Larunbatean ospatuko da Olarro Eguna

Batel estropada jokatuko da larunbatean, goiz eta arratsalde. Argazkia: Gorka Zabaleta

Batel estropadan parte hartu nahi dutenek gaur, asteazkena, dute izena emateko azken eguna. Bestalde, herri bazkarirako txartelak eta Olarro Eguneko kamisetak turismo bulegoan daude salgai. Hemen daukazue aurtengo Olarro Eguneko egitaraua:

Irailak 15, larunbata

09:00etan: Diana txistulariekin.

Goiz partean, VII. Argazki Rallya. Izen-ematea 08:30etatik 09:30etara, turismo bulegoan.

10:00etatik 13:30era: Sukaldariak lanean Eusebio gurrutxaga plazan. Lehiaketa gastronomikoa, herriko elkarte eta koadrilen artean.

10:30etik 14:30era: Elikagaien azoka jaki eta edari dastaketarekin, Eusebio Gurrutxaga plazan.

11:00etatik 13:30era: Haur eta gaztetxoentzat aintzinako jolasak Gernika parkean, Itxas-Gain elkarteak antolatuta.

11:00etatik 14:00etara: Ateak zabalik kofradian, arrainen benta aretoa ikusteko.

11:15ean: Hamaiketakoa Pulpo elkartean olagarrozale izandakoentzat.

11:30ean: Koadrilen arteko batel-estropada. Olarro Eguneko VI. bandera Aita Mari arraun elkarteak antolatuta.

Ordu berean, ‘Batel eroak’ batel elkartearen erakustaldia Gernika parkean.

11:30etik 13:00etara: Irrati-kontrol bidezko ontziekin saioak Zumaia nautika elkarteak antolatuta, Moilaberriko zubiaren eta zubi txikiaren artean.

12:00etan: Beheko plaza abesbatzaren saioak herrian.

13:30ean: Lehiaketa gastronomikoko epaia eta sari-banaketa.

Goiz partean, Olagarro zopa txosnetan. Estropada eremuan kokatuko den txosnan brotxetak banatuko dira.

14:30ean: Herri bazkaria, Eusebio Gurutxaga plazan.

17:00etan: Itsas kiroldegi paretik Txomin Agirre kairainokoadrilen arteko batel estropada. Olarro Eguneko VI. bandera. Irabazleek helmugan bertan jasoko dute bandera. Emakumeen partaidetza bereziki saritua izango da.

Ordu berean kukaina eta uretako jokoak arranpa parean, Itxas-Gain elkarteak antolatuta.

17:00etatik 20:00etara: Ateak zabalik kofradian arrainen benta aretoa ikusteko.

17:30etatik 19:30etara: Irrati-kontrolbidezko ontziekin saioak Zumaia nautika elkarteak antolatuta, Moilaberriko zubiaren eta zubi txikiaren artean.

18:30etatik aurrera: Olagarro brotxetak eta sagardoa txosnetan.

Ordu berean, Zumaiako kantuzaleak taldearen kalejira.

19:30ean: Zumaiako Astindu Dantza taldeak gonbidatuta, Getariako konpartsaren Bollywood ikuskizuna, kaleetan zehar ( Ondartxo plazan hasi eta Eusebio Gurrutxaga plazan bukatu).

22:30etatik 02:00atara: Disko festa Jon DJarekin, kofradian.

Batel estropada
Batel estropadan parte hartu nahi duten herritarren asteazkenera arteko epea izango dute izena emateko. Oraindik izena eman ez, baina parte hartzeko interesa dutenek, turismo bulegotik pasatu eta izen emate orria bete beharko dute. Ondoren, asteazkenean bertan (hilak 12), 19:00etan gaztetxoekin, eta 19:30etan helduekin bilerak egingo dira. Ezinbestekoa da talde bakoitzeko arduradun bat bilerara joatea. Bilera horretan banatuko dira dortsalak ere.

Herri bazkaria
Herri bazkarirako txartelak eta kamisetak ere salgai dira dagoeneko turismo bulegoan. Kamisetak 8 euro balio dute eta herri bazkarirako txartelek 8 euro helduenak eta 5 euro haurrenak.

Argazki rallya
Zumaiako Udalak eta Distira argazki elkarteak elkarlanean, aurten ere argazki rallya antolatu dute. Parte hartu nahi dutenek, egunean bertan 8:30etatik 9:30etara bitartean eman beharko dute izena turismo bulegoan, eta 5 euro ordaindu beharko dira unean bertan.