Asteburuan egingo da bigarren eskuko kultur produktuen (liburuak, diskoak, DVDak…) azoka, Baleike Kultur Elkarteak antolatuta. Aurten bildutako dirua Distira Argazki Elkartearentzat izango da, bulegoa antolatzeko behar duten materiala erosten laguntzeko. Azokak arrakasta izango badu ezinbestekoa da herritarren parte hartzea. Etxeko apalak txukuntzeko premia badaukazu, oraindik ere garaiz zabiltza. Ekarri zure materiala Alondegiara. Bestalde, azoka larunbat eta igandean egongo da zabalik (11:00-14:00 / 17:00-20:00), Oxford aretoan.











