Gutxitan izaten da zine aretoetan euskarazko pelikulak ikusteko aukera. Horregatik, ezin galduko dugu asteburuan Bypass ikusteko aukera. Aitor Mazok eta Patxo Telleriak zuzenduriko “komedia urbanoa” da, eta orain arte ikusleen oniritzia jaso du. Aita Mari aretoan bost saio emango dituzte, gaur iluntzean hasita (22:15), euskaraz gaztelerazko azpitituluekin. Hemen ikus dezakezue trailerra. Igandeko haurrentzako saioan (16:30) Jacobo lobo pelikula emango dute.Saioak Aita Marin: ostirala (22:15), larunbata (19:30, 22:15), igandea (19:30) eta astelehena (19:30).
Izenburua: Bypass
Urtea: 2012
Iraupena: 98 min.
Zuzendariak: Aitor Mazo, Patxo Telleria.
Gidoia: Patxo Telleria
Aktoreak: Gorka Otxoa, Barbara Goenaga, Sara Cozar, Mikel Losada, Itziar Atienza, Aitor Mazo, Unax Ugalde.
Generoa: Komedia











