Azken istorioa

Argazki jendetsuarekin hasiko da larunbatean euskararen astea

2014-11-26 10:04
Euskaraz Bizi Nahi Dut Zumaia

Euskararen Aholku batzordeak bultzatuta eta herriko hainbat talderen laguntzarekin, era askotako ekintza ugari antolatu dituzte euskararen asterako, azaroaren 29tik abenduaren 3ra bitartean: euskarazko filmak, ipuin kontaketa, poesia emanaldia… Gehiago irakurri »

‘Gomezagoren gutuna’ liburua kalean da dagoeneko

Argazkia: Juan Luis Romatet

Astearte arratsaldean egin zen Baleike kultur elkarteak atera duen argitalpenaren aurkezpena Alondegian eta gaur bertan jarriko da salgai ohiko saltokietan. Baleikeko bazkideek doan jasoko dute abenduko zenbakiarekin batera.  Gehiago irakurri »

ARGAZKIAK: Orruako hondartza duela 30 urte

Ezkerreko irudia Alfonso Perez Villarrek lortutakoa da; eskuinekoa Javier Carballorena. Bietan hondarrez estalita ikusten da Orrua.

Egunerokoaren gurpilak harrapatuta bizi gara eta askotan ez gara ohartzen gure ingurua etengabe ari dela/garela eraldatzen. Noizean behin, ordea, iraganarekin egiten dugu topo aurrez aurre: argazki pare bat nahikoa izaten da gure oroitzapenak biziberritzeko. Kasu honetan, Orruako bi irudi ekarri ditugu, duela 30 bat urtekoak. Barruan ikus ditzakezue handiagoan: Gehiago irakurri »

Jostailuen erakusketa egingo da asteburuan Ludotekan

2014-11-26 9:58
Jostailuen erakusketa egingo da asteburuan Ludotekan

Asteburu honetan jostailu erakusketa egingo da Ludotekan. Gabonen aitzakian merkatuan dauden jostailuak ikusi eta probatzeko aukera izango dute heldu eta haurrek. Bertan erosketa arduratsua bultzatzeaz gain jolaserako gunea sortu nahi da. Haurrak gurasoen laguntzaz erakusketa bisitatzeko aukera izango dute, ez da ludoteka zerbitzua izango. Azaroaren 29an eta 30ean izango da erakusketa, 17:00etatik 20:00etara Ludotekan bertan.

Elikadura burujabetzari buruzko solasaldia osorik, bideoan

2014-11-25 15:18

Lehengo astean elikadura burujabetzari buruzko solasaldi interesgarria izan genuen Alondegian. Inaxio Manterola zumaiarrak gidatuta, Iker Elosegi, Maite Aristegi eta Patxi Gaztelumendi aritu ziren gonbidatu moduan. Saio guztiak bezala, bideoz grabatu genuen, eta lotura honetan ikus dezakezue oso-osorik:

Badator 13. Klarinete maratoia

2014-11-25 14:08
Argazkia: Juan Luis Romatet

Bihar hasi eta igande eguerdira bitartean klarinete-joleen topagunea izango da Zumaia. Egun hauetan egingo da Zumaiako Udal Musika Bandak urtero antolatzen duen Klarinete Maratoia. Erakusketak, ikastaroak eta, nola ez, kontzertuak izango dira bost egun hauetan. Gehiago irakurri »

Eskuetatik hartuta indarkeria matxistaren aurka

baleike-emakumeak

Gaur, azaroak 25, emakumeenganako bortxakeriaren kontrako nazioarteko eguna da. Iaz bezala, Zumaiako ikastetxeetako ikasleak kalera atera dira indarkeria matxistari bere gaitzespena adierazteko. Eskutatik hartuta, adin desberdinetako gaztetxoak LHtik DBHra bitartekoak, Beheko Plazatik abiatu dira ‘Emakumeen aurkako indarkeriarik ez’ leloa zeraman pankartaren atzean. Amaiako plazari buelta eman eta Erriberan barrena Gurrutxaga plazara itzuli dira. Torreberriko aterpean egindako bertso eta kantu saio laburrarekin eman zaio amaiera ekitaldiari. Gehiago irakurri »

‘Gomezagoren gutuna’ liburua aurkeztuko da Alondegian

2014-11-25 8:44
‘Gomezagoren gutuna’ liburua aurkeztuko da Alondegian

Gomezago, Zumaiako imaginarioko pertsonaia, Gabonetan itsasotik barrena etortzen dena, da gaur Alondegian aurkeztuko den ‘Gomezagoren gutuna’ liburuaren elementu zentrala. Aurkezpen ekitaldia Alondegiko ikasgelan (4. solairuan), 19:00etan. Bertan izango dira liburuaren egileak, Josu Waliño idazlea eta Ander Hormazuri ilustratzailea. Liburua ekitaldian bertan izango da salgai eta datozen egunotan ohiko saltokietan. Baleikeko bazkideek Gabonetako opari bezala jasoko dute.

Etxeko hondakinak eta arropa jasotzeko edukiontzi berriak jarri dira

baleike-edukiontziak

Herri sei punturan etxeko hondakinak eta arropa jasotzeko edukiontzi berriak jarri ditu Urola Kosta udal elkarteak. Aukeratutako lekuak Amaiako plaza, Alai, Basadi, Puntanueta, Garbigunea eta Oikia dira. Zerbitzu berriaren helburua da etxeko hainbat hondakin bereiz jasotzea eta berrerabiltzeko bidean jartzea. Gehiago irakurri »

Pulpok ezin izan du garaipena erdietsi Uharteren aurka

2014-11-24 12:07

Denboraldiko hirugarren porrota jaso du Pulporen lehen taldeak asteburu honetan. Larunbatean jokatutako partidan 31-23 galdu zuten zumaiarrek Uharte talde nafarraren aurka. Gehiago irakurri »

Urola liderraren aurka berdindu du Zumaiakok joko ona eginda

2014-11-24 11:33

Berdinketa garrantzitsua lortu du jardunaldi honetan Zumaiakoren preferente mailako taldeak Zumarragan Urola liderraren aurka lortu zuena. Oso joko ona egin zuen eta irabaztetik gertu gelditu zen. Norgehiagoka banako emaitzarekin amaitu zen. Emakumezkoen erregionalak bere maila onean jarraitzen du sailkapeneko bigarren postuan Amara Berriri 2-1 irabazi eta gero. Gehiago irakurri »