laino guztien gainetik

Kontuz haizearekin. Depresio sakon bat oso hurbil pasako da eta honek hego-mendebaldeko haize bortitza eragingo du bihar gauean eta gero ipar-mendebaldera egingo du. Biraketa momentuan haizea asko indartu daiteke eta kalteak eragin ditzake. Beraz, kontuz. Kalera erori daitezkeen gauza guztiak ondo lotu.

Depresio horren mugimendua zaindu beharra dago, zeren bere ibilbidea pixka bat aldatzen bada hobera edo okerrera egin dezake egoerak, baina momentu honetan 120 km/h-ko boladak espero daitezke.

Gainera, itsasoa era asko zakartuko du haize honek eta olatu handiak espero dira momentu horretan. 8 edo 9 metroko haize olatuak egon daitezke. Ipar-mendebaldeko hondoko itsasoak 4 metroko olatuak altxatuko ditu, baina haize indartsu horrek esandakoa handiagoak.

Isobara mapa ikustea gustatzen zaizuenentzat hemen duzue mapa eta depresioa ikusi dezakezue gure tokitik gertu.

Depresioak eta fronteak abiadura handian ari dira mugitzen mendebaldetik ekialdera, bere ohiko ibilbidean, eta horrela jarraituko dute hurrengo egunetan. Horrela, haizea indartsu ibiliko da egun guztietan, baina batez ere ostiral eta larunbat bitarte horretan. Gau horretan depresio sakon bat oso hurbil pasako da eta haize boladek 120 km/h harrapatu dezakete Zumaian. Beraz, kontuz haizearekin eta kalera erori daitezkeen gauza guztiak ondo finkatu.

Gaur haizea hego-mendebaldetik indartsu ibiliko da eta arratsaldean mendebaldera egingo du, indarrarekin jarraituz. Euria ere egingo du, bereziki arratsaldean. Tenperaturak nahiko epel.

Bihar haizea ibiliko da ipar-mendebaldetik hasieran, gero hego-mendebaldera eginez. Euria dexente egingo du goizean eta gero pixkanaka hobera egingo du. Tenperatura epeletik. Kontuz haizearekin. Gauean zakartu egingo da eta batez ere larunbat goizaldean haizeak ipar-mendebaldera egiten duenean haize oso bortitza izango dugu. Gainera, momentu horretan itsasoa oso zakar egongo da eta 8 metroko olatuak edo handiagoak egon daitezke. Beraz, denborale handia dator gau horretarako eta kontuz ibili. Haize boladek 120 km/h-ko abiadura gainditu dezakete.

Larunbatean euri dexente egitea espero da eta haizea pixka bat baretuz joango de eguerdi aldera. Tenperaturak goizaldean beherakada izugarria izango du (galernetan gertatzen den bezala), 18-19 ºC-tik 10 ºC-ra jaitsiko da eta beraz, larunbatean tenperatura nahiko hotza izango dugu.

Igandean hego-mendebaldeko haizea indartsu, mendebaldera eginez eta euria ere bai arratsaldean.

Laburtuz, asteburu haizetsua. Gainera, euritsua ere izango da bereziki larunbata. Beraz, etxean geratzeko moduko eguraldia. Itsasoa ere zakarra izango da, bereziki bihar gauean eta larunbat goizaldean.