Saltaka gortu
Gortzeko era asko daude, eta ez dago zertan beti eskalatu. Nik igande honetarako krosa korritzeko plana neukan, iaztik, lehenengo aldiz irten nintzenean hitza eman bainion neure buruari ahal nuen guztietan korrituko nuela.
Aspalditik nekien martxoaren 4an izango zela, eta saiatu nintzen lagunak ere animatzen. Batzuek baietz, irtengo zirela, baina gero "lesionatu" egin ziren (Kako, futbolean; Klaudio, lanean); beste batek, berriz, ez omen zuen nahi egin "erridikulurik" (Apolok); beste lagun batzuk irtetekoak ziren, baita anaia ere, baina haiengandik urruti samar ibiltzen naiz, haiek kilometroa 4′30″-etik behera egiten dute eta. Azkenean, kostata, baina lortu nuen Patxu animatzea edo "engainatzea".
10.200 m dira, tartean Itzurungo aldaparekin, baina normalean n nahikoa samur egiten dena, atzokoa bezalako egun berorik ez bada, behintzat! Asmoa garbia: bukatzea, eta iazkoa hobetzea baldin bazegoen, askoz ere hobeto.
Eguraldia ona, baina beroegi, aukeran, hego-haizearekin. Lehen buelta nahikoa ondo egin genuen, batez beste kilometroa 5 minuturen azpitik, baina bigarrenean fundituta geratu nintzen Paolerako bidean, eguzki-galdatan. Iaz 50′28″ egin nuen; aurten, berriz, 51′50″, eta gustura! Ederki -nekatuta!, nik, behintzat!- bukatu genuen Zumaiako krosa.
Beraz, igandean nik jai eskalatzeko kontuetan. Badakit Apolo lokalera joatekoa zela gortzera; bere buruari argazkiak aterako omen zizkion… Mutua eta beste zumaiar mordo bat, berriz, Araotz aldera joan ziren, eskalatzera. Argazkiak eta bideoa ere atera omen zituen, eta esan nion jartzeko hemen, egunaren "kronika arrosa" egiteko eta inbidia emateko; ea animatzen den; hitz egin bai, baina gero… Eskalatzera joan zirenetatik, bereziki motibatuta Xafla ibili omen zen; txori txiki batek esan digu amorratzen zegoela eskalatzeko, eta sasoian, gainera; nonbait, kotxe-kapotari eragiteak eskumuturrak izugarri gogortzen ditu.
Iherrito on 05 mar 2007 at 23:32 #
Egia da, atera ziren saltaka (ez ziren argazkirako posean aritu). Ikusi hemen bikote honen kroseko argazkia:
http://www.baleike.com/geekary/geekage.php?id=20070305062517510&cat_id=50&page=7
Tranposua on 06 mar 2007 at 5:01 #
Beltzezko hori deskalifikatuta!! Lasterketako arauek galarazi egiten dute dortsalean iragarlearen izena ezkutatzea!!
Datorren urtean Diario Vascoren partez Baleike jarriko degu?
Larregi on 06 mar 2007 at 9:16 #
Korrespontsalak ere ez du eramaten Diarioren propaganda! Propaganda egitea nahi badute, ordain dezatela! Eta ordainduta ere, nahikoa lan…
Baleikeren kamisetena kontu zaharra da. Eskatzen hasita, pentsatzen hasita nago nolakoak behar ditugun: izerdia kanporatzen dutenak, kolore politekin, aukeran besaluzeak eta besamotzak… Ikusten nago bilera bat eskatu beharko diedala Baleikeko arduradunei, horretaz serio-serio hitz egiteko. Zenbat kamiseta beharko genituzke?
trujas on 06 mar 2007 at 13:43 #
fuera koñas atea GORTU! ko nikiyak nik erosikoyat batemat
Apolo on 06 mar 2007 at 23:24 #
Trujasek nahi omen du
gure kamixeta
ezingo zaio eman
biuna da-eta
ez dut berriz entzun nahi
horren errieta
bere izena bezela
baitago erreta
trujas on 07 mar 2007 at 8:00 #
Erreta omen nago
apolon ustetan
izenen kontuare
atera da bertan
zureak esanahia
badu ba benetan
koetia bezela
beti orbitetan
Apolo on 07 mar 2007 at 22:26 #
Parrea atera zait
zure erantzunaz
hamaika aldiz entzuna
berriro entzunaz
eskaladako bloga
da hau lagun Trujas
Inoiz entzun al dezu
Tozaleko Brujas
Apolo on 08 mar 2007 at 1:48 #
Giro izango dek gaur San Fauston…
trujas on 08 mar 2007 at 6:34 #
eskaladako bloga
ohi dut irakurtzen
nabarmena da zuen
lana photoshopen
nere buruai hauxe
diot gaur galdetzen
Apolo sekula izan
al da Araotzen?
Apolo on 08 mar 2007 at 6:52 #
Eskalatzen txarra naiz
photoshopen zero
baina ofizioka
gabiltz bero-bero
Araotzen izan naiz
bi alditan edo
Lokalea gortzera
ba al hator gero?
trujas on 08 mar 2007 at 13:28 #
beti izandet gustoko
pareten kontua
baña neretzako ezda
kirol asuntua
neke-esfortzua baño
nayo kanutua
asunto hontan ba al dek
nola lagundua?
Apolo on 09 mar 2007 at 2:54 #
Udarregik lagunduko dik horretan:
Don Kanuto jauna zan
komisionatuba,
gizon orretxek badu
fundamentuba;
Olloki zarrarena
au zan biartuba,
biyen artian zuten
lan au formatuba,
nago informatuba,
badu eskarmentuba,
da adbertituba,
estudiatuba,
ez daukagu penarik
guk ezagutuba.