Mendira Inda Mendirekin

Apirilaren 20 utzi genuen  Aralar Biraren GR20a berreskuratzen dugu; goiz bueltetara itzultzen gara hurrengo udaberrira arte. Uhartetik abiatu eta Etxeberrira joango gera.

13km. inguruko ibilbidea eta 400 metroko gainbehera.

Irteeraren ordua aldatu egin dugu, etxera goizago bueltatzeko, ordu erdi bat aurreratu dugu,beraz  hemendik aurrera goiz buelta guztien irteera ordua  7 1/2tan izango da

Uharte Arakileko zubitik,  77 bat lagun abiatu gara , eguraldia lagun , hego haize ikuttu batekin,  goiz eder bat pasatzeko asmoekin.  Gero, bukaeran,  batzutan gertatzen den bezela, ibilaldia, espero genuen bezain ederra ez dela izan . Lokatza asko bideetan eta ibilbide lauegia behar bada. Kexatzen ez diren bakarrak umeak dira; hauek pozik eta isildu gabe goiz guztian.

Taldetxo batek, abiatu eta gutxira, bide “ofiziala” utziz, Madalenaitz aldera jotzen du,  Joakin “sastre” zenarekin zorren bat kitatu nahian edo.  Beranduxeago helduko dira Etxeberriko helmugara.

Ederra eguna pasa deuna Urbasa aldean. Eguraldia ezin hobearekin , goizeko 9 aldera atera ginen 30 bat lagun  Lizarraga gainetik eta hain eguraldi ona zegoen ze, programatik kanpo egon arren, San Adrian ermitara igotzea erabaki genuen, gero berriro geure bidera bueltatuz.  Bista zoragarriak gailurretatik, gure Inesek Moncayo, Sierra Cantabria ,Midi d’Ossau eta Zelatun bera ere ezagutu zituen Dulantz gainetik.

Udazken tintarekin margotutako baso paregabe eta  arabiar alfonbra berdeetatik pasa ondoren, Irantzuko Monasteriora heldu ginen, 24 bat kilometro ibili ondoren, zertxobait nekatuak baina egun ederra pasatako sentimenduarekin.

Arabako lurradeetatik igarotzen den GR1 ibilbidearen 7. eta azken etapa.

Irteera Garoa tabernaren parean goizeko 7;  etxeratzera 18. aldera.

Busaren prezioak: helduak 10 euro eta gazteak 5 euro.

Izenematea: Goiko estankoan, Mari Preseni: Tfnoa: 943860357

Ernioko egun  jendetsuaren ordez, Kantabria Mendikatearen isiltasuna aukeratuz,  dozena bat lagun  abiatu ginen Arabako lurraldetara. Eguraldi zoragarria lagun genuela egun ederra pasa genuen benetan.  Pipaondik abiatu eta Cruz del Castillo eta San Tirso tontorrak egin ondoren Bernedora heldu ginen. Sei bat orduko ibilaldia, pagadi paregabeak zeharkatuz eta  Kantauri eta Mediterraneoko urak banatzen dituen  gailurreritik zehar bista ikusgarriak aurrez aurre genituelarik.

Argazkiak lekuko.