Mendira Inda Mendirekin

Kaixo denoi.

Datorren igandean, Urriak 4, bagoaz berriro ere mendira. Oraingoan Araba aldera jo behar degu. Irteera Buradon Gatzagatik egingo degu, Toloño mendia egin (mendi polita, eguraldi lagun badegu bista zoragarriak, batez ere Arabako errrioxa aldera) eta Labastidan amaitu. Aukera ona bazkarian ardo ona edateko.

Irteera oraingoan goizeko 7′tan egingo degu betiko lekutik. Ibilbidea noski egun guztikoa izango da. Izen ematea baita beti bezela goiko estankoan edo 943860357 telefonoan. Prezioa 10 eurokoa. Animo eta ea jende asko elkartzen geran.

Irailak 19-20 ean, Xoxoten izan ginan, Inda-mendiko haur finalisterekin, agindutako oparia betetzeko.

Nahiz eta egun aproposena ez izan (Zumaian Olarru Eguna zen), eta eguraldi txarra tokatu, 21 gazte eta 4 elduko taldea osatu genuen. Bi bakarrik falta ziren.

Goizeko  8:30etako autubusa hartu genuen Azpeitiraino, eta handik, Xoxoteko aterpetxera , Azketako lepotik. Eguraldi txarra tokatu zitzaigun, baina hala ere, ederki pasa genuen: taldeko giro ederra sortu zen, eta denetik egin genuen: kartetan jolastu, “desfile de modelos”, Erloko puntara joan, eta afaldu ondoren, “altxorraren billa” (gazteak prestatuta). Eta eguerdian, bazkaltzeko, Jesusek olarru goxo goxoa eta ugari prestatu zigun. Ez zen ezer falta. Bertan lo egin, eta hurrengo goizean, ederki gosaldu ondoren, Ondarbasotik  Zestoara, berriro autubusa hartu, eta etxera.

Hurrengo urtean errepikatzeko asmorekin.

Aipatu behar da zein ondo tratatu  ginduten  Olatz eta Bixenek, aterpetxeko zaindariak

Kaixo denoi. Oporrak pasa eta hemen gera berriro ere. Oraingoan hasteko egun guztiko bat, udaran jasotako kilo guztiak ahal den neurrian botatzeko.

Irteera beti bezela autobus geltokitik izango da goizeko 7,30tan. Autobusak Otzaurteko gainan utzi eta handik San Adriango kobazuloa pasa eta Aratz mendira (ez dezuenak ezagutzen komentario bat: mendi zoragarria, bista ikusgarriak, eguraldia lagun badegu, noski), eta gero Eginora jeitsi.

Izen ematea baita ere, beti bezela, goiko estankoan ostirala baino lehen edo 943860357 telefonora deituz.

Prezioa 10 eurokoa izango da.

Animo eta ea elkar ikusten dugun.

Kaixo denoi. Oporrak bukatzen eta animoak beheruntz? Horrentzako honena mendira!

Hemen gara berrriro. Oraingoan urrian bi egunetarako pentsatutakoaren berri ematera.

Urriak 17 eta 18an izango da irteera hau. Plana honakoa: Irteera urriak 17 goizeko 6,30 eta Herran aldera abiatu, handik ibilbide hau izango litzateke: Herran - Puron ibaiaren desfiladeroa - Ribera - Vallegrul -  Lalastra. Hemen autobusa egongo da eta zerbait jan ondoren Espejoko albergera. Afaldu (behar bada mus txapelketa azkarra) eta ohera.

Hurrengo egunean berriro autobusak Lalastrara eramango liguke. Bigarren eguneko ibilbidea: Lalastra - Arrayuelas - Recuenco - San Lorenzo - Lalastra.

Hemen iritsitakoan zerbait jan eta etxera.

Prezioak honako hauek izango dira: Bazkideak 55 euro eta bazkide ez direnak 70 euro. Izen emateko epea irailak 1 eta 19a bitartean izango da.

Dirua Euskadiko kutxan (Caja laboral) sartu beharko da kontu honetan 3035 0037 44 0370007083. Sarreraren agiria izango da inskripzio horria eta  Goiko estankora eraman beharko da.

Animatu.

Kaixo denoi.

Joan den asteburuan, Sanpedroak direla eta, urtero bezela Pirineotara lau eguneko ibilbidea antolatu degu aurten ere. Oraingoan Aragües eta Hecho bailarak ezagutu ditugu. Irteera larunbatean egin genuen, 23 lagun lau egunetako eta beste bost, kotxez, astebururako bakarrik. Autobusez Lizarako refugioraino iritsi eta trasteak utzi ondoren, lehen ibialdia, Estanesko ibonak ezagutzera; ibilaldi zoragarria,

eguraldi ederra (batzuk bertan bainatu ziren) eta zerbait jan ondoren berriro refugiora. Han dutxa eder baten ondoren, eta tertuli baten ondoren, afaria; bukatu eta denok lo egitera.

Hurrengo egunean jaiki, gosaldu eta 8,30ak aldera abiatu ginen pentsatutako mendira, BISAURIN, lehen zatia, leporaino, nahiko erraz, han komerik, azken malda gogorra, eta batzuri kosta zitzaigun tontorrera iristea.

Han, eguraldi hotza, haizea baina eguzkitsua, eta bistak paregabeak. Pirineotako zati ikaragarri bat ikusten zen eta jendeak gozatu zuen hura ikustean. Jeitsi eta denok berriro refugiora, han, bezperan bezela, dutxa, tertulia eta afaldu ondoren lo.

Astelehenean refugio aldaketa egin behar genuen. Goizean Lizaratik atera eta Gabarditora joatea zen helburua. Horrela egin genuen, bidean, pentsatuta zegoen bezela AGÜERRI mendia egiteko aukera zegoen eta talde batek halaxe egin zuen, arratsalde erdian refugiora iritsiz.

Azken eguna: “Ozako ibilbide zaharra ” egin eta bazkaria. Azken egunetan botatako kaloria guztiak errekuperatu egin behar eta onena mahai baten inguruan, non hobeto?. Autobusa hartu eta etxera.

Pentsatzen det denontzako experientzi ederra izan dela eta ea hurrengo urtean berriro horrelako beste ibilbide bat egiteko gai garen. Denok, inor falta gabe.

Kaixo guztioi.

Datorren igandekoaren berri emango dizuegu.

Irteera ekainak 14ean izango da. Irteera Sodupe (Bizkaia) herrian izango da, handik Eretza mendia egin (ederra mendia, ez dauka inungo zailtasunik), eta aurrera jarraituz ezkeraldean Pico de la Cruz utziko degu eta berehala Ganeran mendia egiteko aukera izango da, merezi du egitea, bidetik oso gertu dago, eta ez dauka horrelako maldarik. Gero jeitsiko gera Ganeran eta Pico Mayorren artean dagoen lepora eta han erabaki Pico Mayor igo edo pista batei jarraituz La Arboleda aldera jo.

La Arboleda ezaguna da bere meategitik, batzuk irekiak dira eta ikusi egiten da non egiten zen lana.

Dakizuen bezela izena emateko, ostirala baino lehen, beti bezela goiko estankoan edo 943860357 telefonoan. Irteera  betiko lekutik goizeko 7,30tan izango da.

Iganderarte.

Kaixo denoi.

Urtero bezela aurten ere Sanpedrotan Pirineotara. Horaingoan ekainak 27an irten eta 30an itzuliko ginateke.

Aurtengoan Hecho/Anso eta Aragües bailarak ezagutu eta inguratuko ditugu. Hona hemen egun horietako plana.

Larunbatean irten goizean goiz eta autobusak Lizarako refugiora eramango gaitu. Han poltsak utzi eta lehen ibilbidea egitea, seguruenik Estanesko ibonak ezagutzera. Buelta egin ondoren, Lizaran afaldu eta ohera. Hurrengo egunean Lizaratik atera eta Forato lepotik pasa ondoren Bisaurin (2670) mendia egingo genuke (mendi zoragarria, inguruko mendirik ederrenetarikoa); jeitsiera beste bide batetik eginaz berriro refugiora. Astelehenean trabesia bat, Lizaratik Gabarditora, bidean nahi duenak Agüerri (2449) mendia egiteko aukera izango du. Han afaldu eta lo egin ondoren, hurrengo egunean, inguruan ibilbide labur bat egin ondoren, bazkaltzera han inguruan. Bazkaldu eta gero autobusa hartu eta buelta denak etxera.

Izen ematea maiatzak 25an zabaldu eta ekainak 20an amaituko litzateke. Prezioak honako hauek: Federatuak 140 euro eta federatu gabekoak 179 euro. Dirua Euskadiko kutxan (Caja laboral) sartu beharko da kontu honetan 3035 0037 44 0370007083. Sarreraren agiria izango da inskripzio horria eta  Goiko estankora eraman beharko da.

Prezio horretan sartzen dena hau da: autobuseko bidaia, hiru eguneko pentsio erdia, azken eguneko bazkaria eta Lizaratik Gabarditora poltsak Land Rover taxian eramatea, zeren han ibiltzeko eguneko motxila beharko da bakarrik, poltsa refugioan geratzen da eta Lizaratik Gabarditora (astelehenean) Land Rover baten eramango lizkiguke. Beraz han ibiltzeko arinago.

Zuen zain gaude. Animo.

Kaixo. Hemen da egun osoko lehen ibilaldia (aurtengoa noski). Datorren igandean, maiatzak 31an izango da. Oraingoan Xuberoa aldera goaz. Gutxitan joan gera alde horretara, bidaia luzea baida. Ibilbide hau ikuskarria da, oso polita, benetan merezi duena.

Ibilbidearen hasiera Arlan izango da, hau Donaixti Ibarretik gertu dagoen auzo txiki baten izena da, handik Bidouze ibaiaren sorlekua ikustera hurreatuko gera; benetan zoragarria, merezi du; ikusi ondoren berriro ibilbideari ekingo diogu eta eguneko tontorra igo, hau Etchecortia izenekoa da. Eguraldi lagun badegu bista paregabeak izango ditugu. Gero jarraituz Napale lepotik pasa eta berriro Arlara jeitsi. Hemen amaitutzat emango diogu gaurko ibilbideari.

Beti bezela, izen ematea Goiko estankoan edo 943860357 telefonora deituaz. Irteera betiko lekutik goizeko 6,30tan izango da. Eta prezioa 10 eurokoa.

ANIMA ZAITEZTE.

Kaixo denoi.

Joandako igandean ospatu degu Inda Mendi eguna. Aurreko idatzian aipatuta dagoen bezela, goizeko 8,30tan bildu eta berehala abiatu ginen Inda Mendi aldera. Jende ugari, gutxi gora behera 100 bat lagun; baita ere jende ugari kotxeetan Elkanora hurbildu zen eta handik igo. Eguraldi lagun izan genuen eta ttapa ttapa batzuk besteak baino arinago, baina azkenean denak goian elkartu ginen.

Han salda beroa genuen zain, (Tito, Joseba, Andres, Fernando, Bittor eta beste batzuen lana nabarmentzen da), gero sabelean haragi eta txorixoa ere sartzeko aukera zegoen.

Noski guzti hori ardo eder baten laguntzaz, zahatoa eskuz esku ibili zan gelditu gabe.

Ondoren iritsi zen espero zuten momentua, sari banaketa. Banaka banaka deitu eta Inesek banatu zituen sari eta opariak. Guztira 23 lagun. trofeoa eta opari bezela Xoxoteko aterpean asteburu bat.

Honela amaitu zan hango festa. Jendea erretiratu, dena txukun txukun utzi eta batzuk beerriro Zumaira oinez eta besteak Elkanora jeitsi eta autobusez etxera.

Hurrengo urterarte.

Ikusiko zenuten bezela aurten aldaketa bat egin degu, Indamendi eguna aldatu; oraingoan hiraugarren igandera pasa degu, horrek ezan nahi du aurtengoa maiatzak 17an izango dala. Beti bezela irteera beheko plazatik goizeko 8,30 izango da eta handik ttapa ttapa Inda Mendira; han salda bero bat, txorixo eta haragi egosia denentzat. Gero sari banaketa, aurtengoan 23 lagun izan dira merezitako saria jasoko dutenak. Hauek dira:

ALVAREZ    UNANUE    ESTITXU
ARAKISTAIN    ANTIA    IÑIGO
ASTIGARRAGA    LOIOLA    IBANE
AZKUNE    ZUBIA    MADDI
AZKUNE    ZUBIA    UNAI
CASTRO    MUJIKA    ANE
ELSO    TXAPARTEGI    ITZIAR
ETXABE    ALBAREZ    IRAIDE
ETXABE    ALBAREZ    KIMETZ
ETXANIZ    IRURETAGOIENA    LIBE
GAZTAÑAGA    CINTO    ITXASO
GOIKOETXEA    ETXABE    ITXASO
MANTEROLA    MARTIN    IORITZ
MENDIZABAL    ESTEIBAR    UNAX
OSA    ARZUAGA    LIBE
OSA    ARZUAGA    NAGORE
OSA    ZENDOIA    ANE
PONCE    PLAZA    UNAI
PONCE    PLAZA    IORITZ
ROMATET    EGAÑA    AMAIA
ROMATET    EGAÑA    OIHER
UNANUE    IBARRA    LEIRE
URRESTI    LARRAÑAGA    BEÑAT

Guzti hau amaitutakoan bi aukera, nahi duenak Zumaira berriz oinez jeitsi eta bestela Elkanora joan eta han autobusa egongo da nahi dutenentzako.

Ea eguraldi lagun degun eta denok gozatzen degun goiz zoragarri batekin.