Mendira Inda Mendirekin

Urtarrilaren 13an hasi genuen Aralar Bira edo GR20. Iribasen, eta ia urte bete pasa eta gero bertan  eman diogu bukaera 7. etapa ondoren.

Ibilaldirako 40 lagunetik gora izena eman bagenuen ere, irteeran 28 lagun abiatu ginen. Eguraldi iragarkien eragina edo. Egia esan, goiz guztian zehar xiri-miria bizkar gainetik kendu ezinik ibili ginan. Zaparrada haundirik ez baina hezetasuna eta bustia bai.

Bidea ederra zen, 15 km inguru eta gehien bat basoan zehar, agian beste garai batean egiteko hobea, baina orduan ere eguraldia lagun beharko. Argazkirik ateratzeko paradarik ere ez genuen izan, eta bakarrak, Goldaratzko frontoian egin genituenak hamaiketako unean. Gero Inesek eskeini dizkigu beriak.  Bukaeran oparia izan genuen: hegazti bando bat geure buru gainean noraezean bueltaka eta gure Ines liluratuta, katalejoak hartu eta ezpatulak zirela esanez. Ez genion inork bestelakorik esan, izan ere hontan bera dugu maisu eta maistra ¡¡.