Konpostatu daitezkeen edalontziak
Beste urteetan bezala, aurtengo festan ere barra egongo da eta barra honetan sortzen den zabor kopurua ikusita, zerbait egin behar genuela pentsatu genuen. Hau dela eta, konpostatu daitezkeen edalontziak egiten dituen enpresa batekin harremanetan jarri gara eta Mater-Bi izeneko materialez egindako edalontziak erabili nahi ditugu larunbateko jaian. Edalontziak egiteko genetikoki eraldatu ez den artoaren almidoia erabiltzen da eta bioplastiko mota bat lortzen da.
Hasieran, Lapatxeko konpost egiteko planta berrian onartuko lituzketen edo ez kolokan zegoen baina, Udaletxearekin, Udal Elkartearekin eta Gipuzkoako Hondakin Kontsortzioarekin harremanetan jarri ondoren, edalontziak onartuko dituztela egiaztatu digute. Gainera, materia organikoa biltzeko erabili ohi diren edukiontzi marroiak ere ekarriko dizkigute, hurrengo astean jasotzeko.
Aldaketa txikia baina interesgarria dela uste dugu eta denon parte hartzea beharrezkoa da. Ea emaitza zein den.
Add comment ekaina 9th, 2009