Pulpoeskubaloia

Alex Olidenek zuzendutako mutilek gaur arratsaldeko 6etan jokatuko dute Zamora hiriko Manuel Camba kiroldegian BM. Inzamac Zamora taldearen aurka. Aurreko partidan, Urdanetaren aurka jokatutakoan, Kepa Mendikute baja izan bazen ere, badirudi oraingo honetan entrena-tzaileak jokalari guztiak izango dituela bere eskutan.

Zumaiarren ustetan, partida zaila izango da. Zamorakoak sailkapenean bederatzigarren postuan daude, Bigara Pulpo baino puntu bat gutxiagorekin. Orain arte bi partidu jokatu ditu etxean. Lehenengoan 32-33 emaitzarekin galdu zuten Leonen aurka eta bigarrenean Soriari irabazi zioten gol bakarreko aldearekin. Igoera erdietsi zuen talde bera manten-tzen dute zamorarrek. Hauei Salamancatik joandako beste bi jokalari gehitu zaizkie.

Bestalde, taldeko lehen postuan dagoen gizonezkoen bigarren taldeak, Decotenak, Elgoibarren jokatuko du gaur arratsaldeji 17:00etan. Lider-tza mantentzea da asmoa. Asador Basusta emakumezkoen taldeak Lubakin jokatuko du gaur, 17;15ean Logroñoko Sporting Logrobus taldearen aurka. Amaitzeko, Euskal Ligan dabiltzan jubenil eta kadete mailako Pulpo K.E. Zumaia.net taldeek Irunen jokatuko dute, Artelekun, Bidasoa zailaren aurka. Kadeteek 16:00etan jokatuko dute; behin hau amaitu ondoren, jubenilen txanda izango da.

Partida larunbat arratsaldean (17:00) izango da, Lubaki kiroldegian,Arrate taldean Mikel Arrieta zumaiarrak jokatuko duelarik.
Denboraldiaurrean jokatutako Euskadiko Kopan emaitza onak lortu ditu Alex Olidenek zuzentzen duen taldeak. Amenabarri eta Egiari irabazi zion Pulpok, eta Ereintzaren kontra galdu. Oreretarrek talde bikaina osatu dute. Euskadiko Kopako beste multzoan, Arratek partida guztiak irabazi ditu, Urdaneta, Trapaga eta Urdulizen aurka. Beraz, badirudi denboraldiko lehen partida ez dela batere erraza izango.
Bigara Pulporen plantilan ez da aldaketa handirik. Beñat Leibarrek eskubaloia uztea erabaki du, eta Kepa Mendikute berriz kantxara bueltatuko da, urte batzuk jokatu gabe egon ondoren.
Bestetik, bazkideak egiteko kanpainarekin jarraitzen du klubak. Larunbat goizean, Olarro Eguna dela eta, Gernikako parkeko txoznan jaso ahal izango dira txartelak; bestela, arratsaldean kiroldegian bertan, partida hasiaurretik. Pulpoko zuzendaritzak dei berezia egin nahi die jarraitzaileei taldea animatzera gertura daitezen Lubakira, etxeko partidak irabaztea ezin besteko izan daitekeelako mailari arazorik gabe eusteko. Iaz behintzat hala izan zen, etxean jokatutako 13 partidetatik hiru baino ez zirelako galdu –Torrelavega, Ereintza eta San Antonioren aurka–.

  Gaur arratsaldean 19:00etatik aurrera Alex Olidenen mutilek Trapagaranen jokatuko dute Aparcabisaren aurka. Epaileak Ramiro Moro eta Mendizábal Jiménez izango dira. Traparango taldeak ez darama denboraldi ona, azkenaurrekoak dira 9 punturekin, baina oso talde borrokalaria da eta horren erakusgarri da azken jardunaldian Soriako talde sendoaren aurka lortu zuen berdinketa baliotsua. Gureak, berriz, joan den astean Ardoiren aurka izandako hutsegitearen ondoren garaipenaren bila irtengo dira.

Bestalde, Decotena Pulpo ere garaipenaren bila irtengo da Lubakin Ormaiztegiren aurka. Bisitariak zazpigarrenak dira sailkapenean 20 punturekin eta ez daukate arazo handirik. Iñaki Sorazuren mutilek behar-beharrezkoa dute garaipena Irungo Gazteak taldeari aurrea hartzeko. Partida gaur izango da arratsaldeko 16:00etan hasita.

Asador Basustako neskek ere gaur arratsaldean jokatuko dute Andoainen, arratsaldeko 18:00etatik aurrera. Lehen fasea amaitu ondoren, Xabier Letamendiaren neskek bigarren fasean Leizaran, Elorrio eta Bera-beraren aurka jokatuko dute.

Azkenik, Lubakin Pulpoko kadete eta jubenilek Bidasoa taldeko kadete eta jubenilen aurka jokatuko dute Euskadiko Txapelketaren barnean. Partidak arratsaldeko 17:30ean eta 19:00etan hasiko dira.

Datorren larunbatean aurkako gogorra izango du Pulpok Lubakiko kiroldegian. Ohiko orduan Portland San Antonio, Asobaleko taldearen bigarren taldea, hartuko du Pulpok. Joaneko partiduan nafarroafoak nagusitu ziren, 2 goleko aldeaz. Epailek etxekoen alde egin zuten lanak eta Alex Olidenen mutilek egindako hutsek eman zieten garaipena nafarrei. Gure mutilak indarberriturik etorri dira Kanarietako Irletako biadaiatik. Joateko bidaia korapilatsua izan bazen ere, partida irabazita, pasatako guztiak ahaztuta daude eta ligari indarrez eta kemenez ekiteko gogo biziz ditugu zumaiarrak. Laugarren dira Pulpokoak sailkapenean eta 6. San Antoniokoak 3 puntura. Partidu hau irabazteak bi taldeen aldea handitu egingo du eta gure taldearen sailkapena finkatuko. Hernadez pibotak min hartuta jarraitzen du:, aukera izango du, beraz, berriro ere Ibon Sasiain gazteak etxean jokatzeko eta bere doaiak erakusteko. Partidu oso garrantziatsua da Pulpokoentzat sailkapenean duen lekua gordetzeko eta Euskal Herriko taldeen arteko lehenegoa izaten jarraitzeko. Zaleen laguntza beharrezkoa izango da Lubakiko azkeneko partiduetan izan den bezala.

Aurretik Euskal Ligako Kadete eta jubenil mutilak jokatuko dute. Hauek ere oso partidu garrantzitsua jokatuko dute Askartzan aurka, izan ere, gure jubenilak bigarren fasean goiko mailan jarraitzeko aukera jokatzen dute.

Asador Basusta Pulpo, nesken taldea,  Elorriora joango da. Aurreko itzulian hemen, Lubakin zumaiako neskak izan ziren nagusi, ea oraingoan ere garaipena eskuan itzultzen diren.

Decotena Pulpo Irunera joango da  Irungo gazteen aurka jokatzera 19,30an larunbatean Irantzun pilota-lekuan.

           Asteburu honetan hasten da bigarren itzulia Tenerifen. Arratsaldeko 18:30ean ( Kanarietako ordua) Unibertsitateko Pabilioian DYCTEN UNIV. LA LAGUNA-k SUMOFIC PULPO K.E.n aurka jokatuko du. Epaileak  BARCELO MARTIN eta HEWITSON IRUELA izango dira, biak Kataluniakoak. Hernadez, pibota, ez da ekipoan izango; izan ere, pasa den astean min hartu zuen, zuntz etendura izan zuen izterrean, eta itxura guztien arabera bi hilabetez izango da taldetik kanpo. Hori dela eta, Ibon Sasiain gazteak aukera paregabea izango du lehenengo taldean jokatzeko. Taldeko gainerako jokalariak sasoi betean daude eta onena emateko prest LA LAGUNAKOen joko-zelaian. Lehenengo taldeko jokalariekin batera izango dira, baita ere, bigarren taldeko Beñat Lizeaga eta Ioritz Sasiain jokalariak. Lehenego itzulian Lubakin, etxean,  jokatutako partidan erraz nagusitu zen Pulpo, 28-18, baina itzulerako partida ez da lehenengoa bezain erraza izango; izan ere kanariarrak gora datoz, eta jaitsiera postuak atzean utzi dituzte Soriakoei irabazi ondoren lehenengo itzuliko azkeneko partidan. Kanariarrek 7 puntu dituzte, denak etxean eskuratuak eta ez dute galdu etxean jokatu dituzten azkeneko hiru partidetan. Alex Olidenen mutilek etxeko lanak ondo eginda emango diote hasiera bigarren itzuliari. Lehenego itzulian 16 puntu eskuratu dituzte eta aurrerantzean orain arte egindako  bidetik jarraitzeko asmotan dira. Lehenengo itzulian etxean jokatutako 6 partidetatik 5 irabazi dituzte eta partida bakarra galdu, liderraren aurka. Etxetik kanpo jokatutako partidetan, berriz, hiru partida galdu dituzte, bitan berdinketa lortu dute eta bi irabazi dituzte. Pulpoko mutilek gai izango ahal dira kanariarren bolada ona hausteko!

Bi puntuak eskuratu eta bidai ona eta egonaldi zoriontsua izango dutela espero dugu denok.

Gaur Lubaki kiroldegian Sumofic Pulpo Kirol Elkarteak arratsaldeko 18:45etik aurrera B.M. Salamanca-ri egingo dio aurre. Partida zuzentzen Díaz Fernández eta Fernández García epaile madrildarrak arituko dira.

Salamancakoek talde indartsua osatu dute aurtengo denboraldian, maila handiko jokalariak fitxatu dituzte. BM Valladolid-ek hiru jokalari utzi dizkio: Alejandro Sánchez Capón atezaina, junior mailan internazionala 18 aldiz, Roberto Pérez, Lehen mailako goleatzaile nagusia joan den denboraldian, eta orain denboraldi batzuk C. Aranga-ko pibote izandako Francisco Pérez. Horiekin batera, Oscar Álvarez eskuineko hegalekoa, Carlos Domínguez albokoa eta Valladolideko César Pérez zentral gaztetxoa, junior mailan internazionala 24 aldiz, etorkizun handiko jokalaria kirol honetan. Berez indartsua zen taldea sendotzen dute jokalari hauek guztiek. Rtel. Jero taldeak beldurtzeko zenbakiak ditu ligan: goleatzaile nagusia dira 367 golekin 11 partidatan, eta Oscar Álvarez jokalaria ere ligako goleatzaile nagusia da 103 golekin.

Gaztelarrak bigarren dira sailkapenean, igoera fasea jokatzeko aukera ematen duen postua; 18 puntu dituzte, Tudelako Senda Vivak adina. Laugarren postuan daude Zumaiako gorritxoak sailkapenean, 14 punturekin. Gaurkoa bi talde handiren arteko lehia gogorra izango da, eta jakina, Alex Olidenen mutilak azken emaitza onak mantentzen saiatuko dira. Lubaki kiroldegia beste behin leporaino bete behar da, etxeko jokalariak animatu eta beste garaipen bat lortu goiko postuetan jarraitzeko. Lubakin partida bakarra galdu dute zumaiarrek, Torrelavega indartsuarena urka, 11 partidatan garaipenak bata bestearen atzetik lortu dituen talde indartsu eta gogorra. Etxekoen artean jokalari guztiak prest daudela dirudi, zalantza bakarra Ion Rubio izango da, azken partidan kolpe handia jaso zuen eta min du oin batean.

SUMOFIC PULPO KIROL ELKARTEAK TRAPAGARANEN AURKA JOKATUKO DU GAUR

Gaur arratsaldean 18:45etik aurrera Sumofic Pulpo Kirol Elkarteak Bizkaiko Aparcabisa Trapagaran talde gogorraren aurka jokatuko du. Epaileak Monjo Ortega eta San Pedro Colorado madrildarrak izango dira. Bi taldeak orain 10 urtetik daude maila berean, eta 9 aldiz jokatu dute Lubaki Kiroldegian, etxekoek 6 garaien dituzte, berdinketa bat eta bitan irabazi dute bizkaitarrek Zumaian. Kanpotarren bi garaipenak azken lau urte hauetan izan dira, eta beraz, Alex Olidenen mutilak azken bi denboraldi hauetan Lubaki Kiroldegian lortu ez duten garaipenaren bila aterako dira. Dirudienez Alex Olidenek jokatzeko moduan izango ditu joan den astean Zizur Nagusian garaipena lortu zuten 14 jokalariak, baina Joseba Sagastarekin daude zalantzak, belaunean arazoak baititu. Zumaiarrek badakite Trapagaran taldearen aurkako partida oso zaila izango dela, borrokalaria da oso talde bizkaitarra, batez ere defentsa lanetan. Sailkapenean bizkaitarrak 11. postuan daude 4 punturekin, eta etxekoak zazpigarrenak dira 7 punturekin. Aukera ona da zalantzarik gabe beheko taldeekin aldeak handitzeko eta horrela ligaren bigarren zatiari lasaiago ekiteko. Euskal Ligako kadete eta jubenil mailako taldeek Zarauzko talde gogor eta sendoen aurka jokatuko dute gaur arratsaldean Lubaki Kiroldegian. Igande goizean ere bi partida jokatuko dira Lubakin, lehenik Decotena Pulpo K.E.-k jokatuko du 10:30etik aurrera Donibane-ren aurka, eta ondoren 12:15etik aurrera Asador Basusta Pulpo K.E.-ko neskek Errenteriako Ereintzaren aurka jokatuko dute.

SUMOFIC PULPO K.E.-ak TORRELAVEGA-ri EGINGO DIO AURRE

Gaur arratsaldean, 18:45etik aurrera, Sumofic Pulpo K.E.-ak taldeko liderrari egingo dio aurre, Grupo Pinta Torrelavega. Kantabriarrek jokatutako partida guztiak irabazi dituzte, eta oso konplikatua izango da Alex Olidenen mutilentzat emaitza positiboren bat lortzea. Hala ere, gure taldearen ezaugarri nagusia burua inoiz ez jaistea eta amaiera arte borroka gogor egitea da. Iazko denboraldian ere oso konplikatua zirudien partida honek, baina zumaiarrak irabazteko zorian izan ziren. Kantabriarrek irabazi zuten, 36-38, baina irabazteko zailtasun handiak izan eta gero.

Torrelavegako taldeak nazioartean aritzen diren bi jokalari letoniar ditu, pibote errumaniar bat, alboko bielorrusiar bat, hegaleko kanariar bat eta ziurrenik iazko denboraldiko jokalaririk onena, Eugenio González zentrala, iaz Santanderreko Sinfín taldean. Badirudi zumaiarrek ez dutela aukera handirik, baina Lubaki kiroldegiak gotorleku izaten jarraitu behar du, etxean lortu behar baitira puntuak amaieran larrialdirik ez izateko. Beste behin, zalegoen laguntza ezinbestekoa izango da denboraldi honetan Lubakin garaiezinak izaten jarraitzeko. Bi partida jokatu dira zumaian eta bietan etxekoek irabazi dute, lehena Tenerifeko La Laguna-ren aurka eta bigarrena Bizkaiko Urdaneta-ren aurka.

Gogoan hartu partidaren atsedenaldian Kanarietara bidaia bat zozketatuko dela, txartela ordaindu duten bazkide guztien artean gure taldeak urtarrilean Tenerifen jokatuko duen partidan laguntzeko.

Bestalde, larunbat honetan jarriko da martxan Asador Basustak babesten duen emakumezkoen senior taldea. Portugaleten jokatuko dute arratsaldeko 16:30etik aurrera. Talde berri hau Xabier Letamendiak zuzentzen du, eta dirudienez denboraldi zaila izango dute, talde hau oso gaztea baita. Taldea zazpi jokalari jubenil eta zazpi seniorrek osatzen dute.

Decotena Pulpo K.E.-ak ere kanpoan jokatuko du bere partida, Legazpin hain zuzen. Partida igandean izango da eta goizeko 11:15ean hasiko da. Zumaiar gazteek ez dute oraindik garaipenik, ea oraingoa aukera ona duten.