San Pedro Abesbatza Kantuz Kantu…

Udazkenean zehar, abesbatzen munduan, hainbat ekitaldi antolatzen dira. Gure artean, guztien gainetik oihartzun handiena duena Tolosan ospatzen den Abesbatzen Lehiaketa da. Urriaren 28-tik Azaroaren 1-arte mundu guztiko abesbatzak parte hartuko dute bertan. Aurten, adibidez, Australiako, Txinako, Japongo edo Europako hainbat herrialdeetako  taldeak izango ditugu kategori ezberdinetan banatuta (umeen koruak, koru mistoak eta ahots taldeak).

Hemen duzue aurtengo txapelketaren aurrerapen bat:

Tolosako 41. Abesbatza Lehiaketa (Egitaraua)

Baina abesbatza hauen musikaz gozatzeko aukera ez da Tolosara murrizten. Hainbat herri ezberdinetan kontzertuak ematen dituzte beraien ekitaldiak prestatzeko asmotan. Iaz, Zumaian txapelketako irabazle suertatu zen “Prague Philharmonic Children’s Choir” entzuteko aukera izan genuen. Aurten berriz Letoniako “Swedbank Chamber choir”. Bitxikeri bezala esan banketxe bateko koru bat dela (partehartzaile guztiak banku horretan lan egiten dute). Gure inguruan ez dira ohikoak horrelako koroak, baina Europan zehar nahiko hedatuta daude.

Hemen, abesbatza honen informazio gehiago aurkitzeaz gain, beraien grabaketak entzuteko aukera izango duzue:

Musika koralaz gozatzeko aukera paregabea.

Joan zen Apirilaren 4ean Zumaian izan genituen Alegiako Txintxarri abesbatzako kideak. Blogean aurkituko dituzue egun hartako argazkia, baita kantatu genuen X. Sarasolaren “Neskatx ederra”-ren grabaketa ere. Urriaren 17an berriz gu joango gara Alegiara, kontzertu bat eskaintzera.

Arratsaldeko zortzietan izango da, Alegiako parrokian. Kontzertuari hasiera Alegiako koruak emango dio. Guk era askotako abestiak aukeratu ditugu: sakroak, Joanes de Antxieta edo Luis Urteagaren lanekin, herrikoiak, Aritz adarrean-Kattalin, Maiteak galde egin zautan, Neskatx ederra… edo azken hamarkadetako doinuak (Gaztelugatxe, Cantares).

Kontzertuari amaiera emateko, nola ez, bi abesbatzak batera arituko gara. Mikel Laboa gogoratuko dugu hain famatuko egin den “Txoriak Txori” abestuz eta kontzertua erritmoz bukatzeko jazz eta gospel erritmoak jarriko ditugu “This little light of mine” kantuarekin.

Gonbidatuta zaudete