Zibergela

Jolasek beti izan dute paper garrantzitsua ordenagailuaren
erabileran. Hasieran, diskete batean edo gutxitan sartzen ziren; gero,
CDetan; eta orain, berriz, DVDetan. Hala ere, ordenagailuan ezer
instalatu gabe jokatzeko aukera ere badago. Interneten dauden jokoek
eskaintzen dute, hain zuzen ere, aukera hori.

Askotan oinarrizko jokoak izaten diren arren, oso erosoa da
helbide bat idatzi, bertan sartu eta ezer instalatu gabe jolastu ahal
izatea; gainera, orokorrean doan izaten dira. Erabiltzen dituzten
grafiko eta irudiak ezin dira kontsolek ematen dituztenekin konparatu,
baina behar dituzten baliabideak ere askoz gutxiago dira. Jokatzeko ez
zaio joystick-a edo aparteko gailurik jarri behar ordenagailuari, teklatua eta saguarekin aski da.

(more…)

Harritzekoa bada ere, Applen Safari web nabigatzailea da Windows
plataformako web nabigatzailerik azkarrena. Probaren egileek Internet
Explorer 7, Firefox 2 eta Safari 3 nabigatzaileak aztertu zituzten.
Horretarako, hainbat webgune ezagunetara konektatu, eta orriak ikusten
zenbat denbora pasatzen zuten neurtu zuten, besteak beste. Emaitzetan
Safarik webguneak %40-%60 azkarrago kargatzen zituela ikusi zuten.

Bitxia da Appleren nabigatzailea Windowseko azkarrena izatea.
Hala ere, egonkortasunari eta bateragarritasunari dagokionez, ez omen
dabil hain fin Safari. Alde horretatik beste bi aurkariak asko hobeto
dabiltzala diote adituek.

(more…)

Aste honetan kaleratu du Applek Mac OSX sistema eragilearen
seigarren bertsioa, Leopard izenekoa hain zuzen ere. Atzerapen
dezenterekin iritsi da merkatura; izan ere, Applekoek iPhone telefono
mugikorra garatzen jardun baitute buru-belarri. Berrikuntza asko omen
ditu Leopardek, eta probatzeko aukera izan dutenen ustetan, Windows
Vista baino hobea omen da.

Berrikuntza horien artean, segurtasun kopiak egiteko
aplikazioa, bideokonferentzia egitekoa eta solasguneetan jardutekoa
daude besteak beste. Horrez gain, aurreko bertsioko aplikazio asko
hobetu dituzte. Hurrengo asteetan sistema eragile horren inguruko
informazio sakonagoa emango dute.

(more…)

Informatika ez da mugatzen norberaren ordenagailuan lan egitera. Gero eta ohikoagoa da dokumentuak toki batetik bestera mugitzea, eta hemen hasitako lana beste nonbait amaitzea. Web 2.0 famatuaren iraultzak asko lagundu du egoera horretan; bereziki Google Docs-i eta haren antzeko Internet bidezko aplikazioei esker, errazagoa da zerbitzari batean gordetako dokumentuetan lan egin ahal izatea edozein tokitatik. Baina Interneten esku egon nahi ez duenarentzat badago beste aukera bat ere: ordenagailua patrikan eramatea.
(more…)

Elhuyar Fundazioak 5-8 urteko haurrentzako bideo-joko didaktiko bat argitaratu berri du. Plataforma-joko dibertigarri bat da, eta matematikaren, hizkuntzaren eta inguruaren ezaguerari buruzko gaiak tartekatzen ditu.
(more…)

Duela urtebete, Appleberri.com web gunea sortu zuen Antton Pe

Interneten nabigatzean, zerbaiten inguruko informazioa bilatu nahi
denean, betiko bilatzaile erraldoietara jotzen da normalean, hau da,
Google, Yahoo eta MSN Live bilatzaileetara. Informazioa ingelesez edo
gazteleraz lortu nahi bada bilatzaile horiek emaitza onak ematen
dituzte, baina zer gertatzen da lortu nahi diren webguneak euskarazkoak
badira? Energia hitza bilatuz gero, zenbatgarren azaltzen da
lehenengo euskarazko webgunea?

Euskarak interneten bere txokoa duen arren, bilatzaile
ezagunenetan ikusgarritasun oso txikia du, behar hori asetzeko
asmoarekin sortu du Elekak Elebila euskarazko bilatzailea. Helburua,
Interneteko bilatzaile handiez baliatuz, euskaraz dauden web orriak
eskaintzea emaitza gisa.

(more…)

Euskaldunon artean sona handia lortu duen Firefox nabigatzailearen
luzapenak argitaratu berri du bere hirugarren bertsioa. Euskalbar
tresna-barraren bertsio berria Addons. Mozilla.Org (AMO)
nabigatzailearen webgune ofizialean argitaratu zuten lehenik; izan ere,
Euskalbarren garatzaileek tresna AMOn ofiziala izatea nahi zuten, eta,
horretarako, lehenik han erregistratutako erabiltzaileen balorazioak
jasotzea eskatzen du. Hori dela eta, erregistratzeko, barra jaisteko,
probatzeko eta beren iritzia AMOn uzteko eskatu zieten erabiltzaileei.
Aste honen hasieran iritsi zaie berri ona, Firefox-en luzapen ofizial
bezala onartu dute Euskalbar, benetan eskertzekoa da garatzaileek
tresna erabilgarri hau etengabe hobetzeko egiten ari diren lana. (more…)

Nahiz eta Googlek aspaldi jarri zuen sarean bere bulegotikako
aplikazioa, Google Docs, ez du galtzen beste bulegotika aplikaziotatik
bere guneetara trafikoa bideratzeko aukera. Kasu honetan, OpenOffice
kode irekiko bulegotika aplikaziorik ezagunena izan da horren adibide.

OpenOfficek luzapenak egiteko ematen duen aukeraz baliatuz
Writer’s Tool izeneko luzapen bat garatu du. Tresnaren funtzionalitate
nagusietakoa da itzulpen-zerbitzuarena, idatzitako edozein esaldi edota
hitz itzul baitaiteke Google Translate itzulpen gunearekin egin duen
lotura dela eta. Horrez gainera, dokumentuen segurtasun kopiak e-posta
bidez egin daitezke, sareko hiztegi garrantzitsuenetan kontsultak egin
eta mapak begiratu ere bai. Tresnak funtziona dezan, OpenOffice 2.2
bertsioa beharrezkoa da.

(more…)

Erabiltzaile gehienentzat ohikoa izan da orain artean Office formatuko (.doc, .xls, .ppt etab.) dokumentuak erabiltzea. Microsoft Office 2007 kaleratzearekin batera, ordea, Microsoft-ek aldatu egin du bere aplikazioek erabiltzen duten formatua, eta OpenXML izeneko formatua erabiltzen hasi da. Horren ondorioz, Office berria beste luzapen batzuk erabiltzen hasi da dokumentuak gordetzeko (.docx, .xlsx, .pptx, etab.), eta horrek bateragarritasun-arazoak sortu ditu Office bertsio zaharragoak dituzten erabiltzaileekin. (more…)