Zibergela

Duela hamabost egun 2007aren laburpena egin ondoren, gaur 2008an
ustez nagusituko diren produktu, zerbitzu eta joerak laburbilduko
ditugu. Ez da beti asmatzen, eta jakina da hemen azalduko diren joerek
eta produktu guztiek ere ez dutela arrakasta bera lortuko; are gehiago,
batzuek porrot ere egin dezakete. Baina, lehen batean, eta urtearen
hasieran indar gehien dutenak dira.

Iaz nagusitu ziren joerak indartsu jarraitzeko aukera izango
dute; horrela, web 2.0 teknologiek aurten ere nagusi izaten jarraituko
dute. Bestalde, aurten helduko diren joera nagusien artea edonon
Interneteko konexioa izatea eta teknologia berdeak nabarmenduko dira.
Gailu berriak, teknologiak berriak eta filosofia aldaketak, guztiak
izan nahi dute 2008an nagusi. Guztiek lortuko al dute?

(more…)

Aurreko astean burutu zen Apple-ek antolatzen duen MacWord feria;
bertan, aurtengo urterako prestatu dituzten produktuak aurkeztu ziren.
Jardunaldi horietan ohikoa bihurtzen ari da Apple-en buru Steve Jobsek
produktu horiek aurkeztea; horretarako, bere ikuskizuna egiten du.
Aurten ere horrela egin, eta ordu erdian 2008rako prestatu duten uzta
aurkeztu zuen.

Uzta horretan izar nagusietako bat MacBook Air ordenagailu
eramangarri berria izan zen. Ordenagailu eramangarriaren ezaugarriak
dira: mehetasuna, arintasuna eta diseinu dotorea. Baditu desabantaila
batzuk ere, izan ere, ez baitu DVD irakurgailu/grabagailurik ezta
Ethernet sareetako konektatzeko konexiorik ere. Gainera, bateria ere
ezin zaio aldatu eta prezio aldetik ere ez da batere merkea.

(more…)

Sun Microsystems informatika munduko erraldoiak MySQL datu base
ezaguna erosi du. Horrela, orain arte presentziarik ez zuen arlo
batean, datu baseena, alegia, indarrez sartzea lortu du. MySQL kode
irekian garatutako datu base ezaguna da, eta hainbat aplikaziotan
erabiltzen da, webguneak garatzeko ere asko erabiltzen da.

Hemendik aurrera, bi erakundeetako pertsonez osatutako lantalde
batek, guztien mesederako izango den integrazio plan bat garatzeari
ekingo diote. Egindako salerosketa mila milioi dolarrekoa izan da.

(more…)

Onartu beharra dago: Internet Explorer eta Firefox dira nabigatzaile zabalduenak. Are gehiago, bien artean merkatuaren % 90 baino gehiago hartzen dute; baina horrek ez du esan nahi besterik ez dagoenik. Alderantziz, Interneten ibiltzeko nabigatzaile ugari dago, ehundik gora, bakoitza bere ezaugarri eta berezitasunekin, gainera.
(more…)

Ordenagailua pizten denean, aplikazio eta tresnatxo asko kargatu ohi dira. Horrek ordenagailuak abian jartzeko behar duen denbora handitzen du, eta, askotan, luze jotzen du ordenagailua pizteak. Hori konpontzeko, Microsoft-ek berak garatutako doako aplikazio bat erabil daiteke, Autoruns for Windows izenekoa. Tresna horren bitartez, ordenagailua piztean abiatzen diren tresna eta programak zein diren ikusi eta garbiketa egiteko aukera dago, eta, hala, ordenagailuaren abiatzea nabarmen azkartzen da kasu batzuetan.

(more…)

WindowsVistak izan duen harrera txarra ikusita, Microsoft-ek WindowsXP mantentzen jarraitzen du. Horren adierazgarri da sistema eragile horren hirugarren ServicePack-a kaleratzeko asmoa duela. Abenduan ServicePack berriaren lehen Release Candidate-a argitaratu zuen, hau da, kaleratu aurreko azken bertsioa. Release Candidate hori Microsoft-en web gunean dago eskuragarri nahi duen edonorentzat, eta, beraz, ServicePack berriaren behin betiko bertsioa laster zabalduko dute. Aurreko biekin alderatuta, desberdintasun nabarmen bat izango du SP3 honek: instalatu ondoren kentzeko aukera egongo da, Windows-en

Zer eman du teknologia berriei dagokienez amaitu berri den urteak?
Zein izan dira sorpresa positiboak? Eta zein negatiboak? Amaitu berri
den urtea aztertzeko garaia iritsi da. 2007ak eman duen guztia
laburtzea ez da erraza, urtea emankorra izan baita. Ustekabean
arrakasta lortu duten zerbitzuak izan dira, eta baita kontrakoak ere,
beraiengandik asko espero zen ekimen batzuk nora ezean geratu dira.

Euskal Internetari dagokionez, protagonista bat baino gehiago izan dira: Bildu.net laster-markak biltzeko gunea, Zabaldu.com albisteak zabaltzeko gunea, Euskaltube on-line
bideo zerbitzua eta Elebila euskarazko bilatzailea, esate baterako.
Aipatutako horiez gain, badira beste hainbat zerbitzu eta ekimen berri
oso interesgarriak izan direnak. Hori guztia kontuan hartuz, pasa den
urtea oparoa izan dela esan daiteke, nahiz eta ekintzaileak hainbeste
ez izan.

(more…)

Abenduaren erdialdean Joxe Rojasek abian jarritako ekimena da hau, eta
bertan 2007. urteko euskal blogosferako edo Internet euskalduneko zazpi
gertaera/berrikuntza/ekarpen/al-daketa nabarmenenak jaso nahi dira.
Hautaketa-prozesua aurrera eramateko wiki bat prestatu du, eta hiru
fasetan egingo da. Lehenengo fasea amaitu berri da, abenduaren 31n hain
zuzen, eta proposamenak jasotzeko fasea izan zen. Urtarrilaren 1etik
30era bitartean, bigarrena dago abian; bertan, jendeak hautagaiak
bozkatzeko aukera izango du. Eta azkenik, urtarrilaren 31n zazpi
aukeratuen zerrenda argitaratuko da. Ekimen interesgarria, eta euskal
blogosferan 2007an gertatutako aipagarriena laburbiltzen lagunduko
duena, dudarik gabe. Animatu zure gogokoena bozkatzera!

(more…)

Batzuetan gertatzen da lagunen batek fitxategiren bat bidaltzea, eta
birus bat edo zerbait arraroa eduki dezakeela susmatzea. Zalantza
horiek uxatzeko, VirSCAN tresna erabiltzea da onena. Interneten dagoen
tresna honetara susmopeko fitxategi horiek igo daitezke, konprimituak
badira ere bai, betiere 10 MB-ko tamaina ez badute gainditzen eta
barnean hamar fitxategi baino gutxiago baldin baditu. Behin igo
ondoren, VirSCAN-ek sarean dauden hainbat antibirus zerbitzu bidez
aztertzen ditu, eta ondoren emaitza erakusten du.

Azterketa egiteko antibirus bat baino gehiago erabiltzen
dituenez, emaitza fidagarriagoa izango da. Hala ere, zerbitzu honek
fitxategiak aztertzeko soilik balio, eta ez du ordezkatzen norbere
ordenagailuan izan beharreko antibirusa.

(more…)