Maiatzean ospatu zen Lagos de Covadonga klasikaren argazkiak bildu ditugu eta blogean eskegi. Beraiek ikusteko Argazkiak sailean dagoen Lagos de Covandonga klikatu eta 2010 urtekoa aukeratu. Goian agertzen da lehendakaria, larri xamar. Ez da aldapa makala Lagoseko igoera!!
2010 Denboraldiko zigilatzeen zerrenda doakizue.
Martxoak 7 baino lehen bilera antolatuko da lizentziak eta zigilatze liburuxkak banatzeko.
| 2010 seilatuen egutegia / Calendario sellados 2010 | ||||
| Hilabetea | Eguna | Norakoa / Destino | Km | Klub antolatzailea |
| martxoa | 7 | Aizarnazabal (Frontoian) | 35 | Zestoa |
| martxoa | 14 | Zubieta (Elizan) | 40 | Zestoa |
| martxoa | 21 | Loiola (Santutegian) | 56 | Zestoa |
| martxoa | 28 | Sorabilla (Eliza) | 55 | Zarautz |
| apirila | 4 | Galdona Kanpiña Mutriku | 68 | Zarautz |
| apirila | 11 | Aduna (Elizan) | 65 | Zarautz |
| apirila | 18 | Elgoibar (Plazan) | 75 | Zarautz |
| apirila | 25 | Gurutze berri (Oiartzun) | 76 | Zarautz |
| maiatza | 2 | Matxinbenta (Frontoian) | 85 | Zarautz |
| maiatza | 9 | Goizueta (Plazan) | 98 | Zarautz |
| maiatza | 16 | Lekeitio (Elizan) | 96 | Zarautz |
| maiatza | 23 | Guadalupe (Elizan) | 98 | Zarautz |
| maiatza | 30 | Markina (Plazan) | 98 | Zarautz |
| ekaina | 6 | Saturraran (Gasolindegian) | 64 | Getaria |
| ekaina | 13 | Eibar (Udaletxean) | 90 | Getaria |
| ekaina | 20 | Amezketa (Plazan) | 85 | Getaria |
| ekaina | 27 | Arantzazu | 150 | Getaria |
| uztaila | 4 | Zumarraga (La antiguan) | 96 | Getaria |
| uztaila | 11 | Arano (Plazan) | 80 | Getaria |
| uztaila | 18 | Ondarroa (Plazan) | 70 | Zumaia |
| uztaila | 25 | Lizartza (Plazan) | 80 | Zumaia |
| abuztua | 1 | Errezil (Elizan) | 68 | Zumaia |
| abuztua | 8 | Ibañarrieta (Kortari omenaldia) | Zumaia | |
| abuztua | 15 | Olatz (Mutriku) | 68 | Zumaia |
| abuztua | 22 | Astigarraga (Plazan) | 60 | Zumaia |
| abuztua | 29 | Lastur | 54 | Zumaia |
| iraila | 5 | Leaburu (Plazan) | 70 | Orio |
| iraila | 12 | Deba (Elizan) | 55 | Orio |
| iraila | 19 | San Esteban (Usurbil) | 32 | Orio |
| iraila | 26 | Zakila Bira (Ibañarrieta) | 30 | Orio |
Kaixo, gaurko honetan argazki ikusgarri bat erakutsi nahi dizuet. Argazkia Anisclo kañoian eginda dago, Huescan, eta oso argazki berezia da, benetan ikusgarria! Irudia biratu egin dezakegu, gora, behera, ezkerrera, eskubira….Egin proba beldurrik gabe!
Irudia hitza baino adierazgarriagoa denez, besterik gabe, egin klik hurrengo linkan eta txunditzeko prestatu:
Egongo gatxik!!
Kaixo, hemen duzue 2010 denboraldiko Gipuzkoako challenge egutegia. 9 proba izango dira aurten, batzuk betikoak dira, besteak berri xamarrak.
Aurten Eibar Arrate ez da izango, ziurrenik iaz izan ziren istripuengatik….
Ea ikasten dugun zuhurrak izaten, ze izan ziren bi istripuak oso larriak izan ziren. Hiru zikloturistatik bi osatu dira ospitaletik pasa ondoren, baina hirugarren bat elbarrituta omen dago. Bera, ikas dezagun eta trafikoko arauak errespetatu gu ere errespeta gaitzaten.
Hau ulertzen duenak ez da makala!!
Kaixo, Kebrantahuesos proba eta bertan izena emateko erari buruzko hainbat informazio jaso dugu jada. Hona hemen laburpen bat, datu interesgarrienarekin:
Kebrantahuesos probak 20. urteurrena beteko du 2010 urtean.
Data ere badakigu, ekainaren 19an, larunbata.
Izen ematea aldatu egiten da:
- 2 faseetan burutuko da, lehenik aurre-izen ematea izango da. Izena ematean, bakoitzari zenbaki bat emango zaio, Web orrian ikusgai egongo delarik. Automatikoki, aurre-izen ematea pertsonako bat dela egiaztatuko da (NAN zenbakiaren bitartez).
- Izena eman dutenak dauden plaza kopurua gainditzen badute, beraien artean zozketa egingo da.
- Aurre-izen ematean taldeka (5 pertsonak) izena ematea onartzen da, horietako batek plaza lortzen badu, taldeko guztiek izango dutelarik.
- Zozketan plaza lortu duenari e-postaz abisatuko zaio, behin betiko izen ematea egiteko klabeak emanez, ondoren dagokion on-line ordainketaz baieztatuko behar da.
-Aurrez izena ematean, datuak nominalak dira, beraz, behin betiko izen ematea aurrez izena eman duena pertsonak egin beharko du, ez dira onartzen ordezkapenak, eta ez dira onartzen aldaketak edo beste pertsonei aldatzea.
- Guzti hau web orriaren bitartez egingo da http://www.quebrantahuesos.com/. Komunikazioak beti e-postaz izango dira.
- Aurrez izen emateak azaroaren 3an hasiko dira, eta zozketa abenduan izango da.
- 15 parte hartze edo gehiago dituzten parte hartzaile leialenak, izen ematea segurtatuta dute eta plaza erreserbatuta izango dute.
- Ordainketa egin ez duten plazak, aurrez izena emandakoen artean emango dira zerrenda jarraituaz, hau da, zozketako azken suertatutakoaren ondoren.
- Aurrez izen ematea azaroaren 3 tik abenduaren 14 arte.
- Zozketaren data: Abenduak 15, eguerdiko 12:00 tan.
- Behin betiko izen ematea: Abenduak 16tik urtarrilaren29 arte.
- Plazak ez badira betetzen, zerrendaren ondorengoak onartzen dira, bere klabea ematen zaie eta izen ematen zabaltzen da otsailaren 16 arte.
- Eta horrela jarraituko da, plazak bete arte.
- Baja emateko, (dirua itzultzeko eskubidearekin, justifikatutako arrazoiengatik) apirilaren 20 arte.
- Dorsalen zozketa, maiatzaren 12an.
Aurrez izen ematea irekita dago, beraz, animo eta zorte on!!
Hilaren 1 igandean, Jose Mari Kortari homenaldia egingo zaio. Zumaiako Zikloturista Elkarteak homenaldi bezala mendiko bizikletan mendi irteera antolatu du, goizeko 9tan polikiroldegitik irten eta San Miguel igo, Oikiara jaitsi, Ibañarrietara igoz, bertako hilerrian homenaldia egingo zaiolarik. Handik Arroa goitik igaro ondoren Arroa behera jaitsi eta bertako elkartean hamaiketakoa egingo da, homenaldiari amaiera emanez.
Zumaiako Zikloturista Elkarteak homenaldian parte hartzeko gonbitea zabaltzen du. Denentzako dago irekia gonbitea.
Kaixo guztioi,
Aurtengo denboraldia ere amaitu da eta orain seilatuen kontaketa dator. Urtero bezala parte hartu duzuen eta antolatzen lagundu duzuen lasterketek ere kontatzen dute.
Beraz bidali era batera edo bestera parte hartu duzuen proben zerrenda helbide honetara: zumaiakozikloturistak@hotmail.com
Gogoratu larunbatean ZAKILA BIRA dela eta antolatzaileek jendea behar dutela. Beraz eskertuko genizueke bizikletan azaltzea duzuenok aurrez abisatuko bazenute.
Eskerrik asko.
Hola a tod@s,
Ya ha terminado la temporada de los sellados y ahora toca hacer el recuento. Recordad que también cuentan las pruebas en las que hayais participado o en las que hayais ayudado en la organización.
Por lo tanto mandadnos la lista de las pruebas en las que hayais participado de una forma u otra a esta dirección: zumaiakozikloturistak@hotmail.com
Recordad que este sabado es la ZAKILA BIRA y que la organización necesita voluntarios. Por lo tanto os agradeceriamos que los que podais ir en bicicleta nos avisaseis lo antes posible.
Gracias.
Lizarra 2009 txangoa benetan arrakastatsua izan zen, bai zikloturista kopuruari dagokionez, bai eguraldiaz, baita antolakuntzaz ere.
Guztira 36 zikloturista izan ginen, batzuek Zarauztarrak, Azpeitiar bat edo beste, Zumaiko triatletak eta afizionatuak izandakoak eta beste guztiak Zikloturista Elkartekoak. Nahasketa ederra! Adinez ere zeharo desberdina izan zen parte hartzea, gazteenak 18 bat urte izango zituen eta zaharrenak 73 urte! 18 urtekoa gainera emakumezkoa, ziurrenik lehen emakumea izango da txango honetan parte hartu duena.
Pulpo elkartearen aurrean bildu ginen ohi bezala, 7:30tan, juxtu-juxtu eguna argitzen ari zenean. Motxilak kamiora sartu ondoren, ohiko talde argazkia atera eta martxan jarri ginen Lizarra aldera. Eguraldi freskoa, baina ez oso hotza eta garrantzitsuena, ateri zegoen eta eguraldi ona iragarrita egun osorako.
Azpeititik igaro eta Urrestilla eta Nuarbe aldera jo genuen. Mandubiko gaina igaro ondoren behera jatsi (batzuek besteak baino azkarrago) eta salbatoreko bidegurutzean denok zain egon ginen. Paxo eta bere suhia falta ziren, baina oso atzeratuta omen zetozen eta aurrera abiatu ginen.
Beasain igaro, eta Ataun aldera jo genuen. Ataun igaro ondoren eguneko bigarren mendatea, Lizarrusti. Hura gainditutakoan ordea, egundoko hamaiketakoa genuen zain. Bertan ziren txorizoa, urdai azpikoa, salda, haragi egosia, e.a. dena ogiarekin lagunduta. Edateko ura, koka kola fresko-freskoak eta erreserba ardoa (estola esaten zuten, baina bai, bazegoen). Amaitzeko kafea hutsa azukrearekin (nahi zuenak brandy txarrastarekin). Lizarrusti gainean izugarrizko eguraldi onarekin egin genuen hamaiketakoa, lainorik ez eta eguzkia giroa epeltzen, antzematen da nafarroako mugan dagoela mendatea…
Sabela ondo beteta eta obe hidratatuta (batzuek urez eta beste batzuek ardoz) etxarri-aranazera jaitsi ginen. Azken mendatea genuen gure aurrean, Lizarraga, 9 km inguruko igoera. Geratzen ziren azken indarrak erabiliaz igo genuen Lizarraga. Bere gainean dagoen tunela igaro ondoren Lizarrarako jaitsiera izan genuen. Gertaera bakarra Abarzuzatik gora dagoen Muruko gainera igotzean zikloturista batek izan zuen katearen etenarekin gertatu zen. Baina beste zikloturisten laguntzarekin gaina igo zuen, pedalei eman gabe!! Ondoren Lizarraruntz dena aldapa behera denez ondo iritsi zen (inertzia handiko zikloturista da).
Lizarrako igerileku aurrean amaitu genuen bidaia. Bertan zuzendaritzak oparitutako kamisetak jaso genituen, gure babesleek amandako diru laguntzarekin ordainduak. Lizarrako igerilekuan merezitako bainua eta dutxa saioa izan genuen, batzuk sauna, hidromasaia, eta antzerakoak ere probatu genituen.
Bidean botatako izerdiak garbitu ondoren, kamiseta berriak jantzi eta autobusez Iratxera igo ginen, bertako Iratxe Hotelean bazkaltzera. Bazkariaren ostean bertso saio laburra izan genuen Iosuren eskutik, pena da Guijarro ez izatea erantzuna emateko. Baina bertso politak eskaini zizkigun. Horren ondore, autobusez itzuli ginen Zumaia, gure txangoari amaiera emanez. Hurrengo urtera arte!!
Lizarrako argazkiak blogean jarri ditugu. Ikus Argazkiak atalean Lizarra eta ondoren Lizarra 2009 sartu. Edo bestela lotura honekin sartu:
2009 Denboraldia amaitzear dago eta igande honetan izango dugu azken irteera.
Goizeko 8:30tan izango da irteera ohiko lekuan, gasolindegi aurrean, eta zakila bira osatu ondoren, Zestoan izango da azken zigilatzea eta ondoren hamaiketakoa, Zestoako Zikloturista Elkartearen eskutik. Denok gaude gonbidatuta. Beraz gosea egin beharko denez Mia gora izerdi pixka bat atera beharko dugu!!
Igandera arte.
| Ast | Ast | Ast | Ost | Ost | Lar | Iga |
|---|---|---|---|---|---|---|
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |
Bad Behavior has blocked 3 access attempts in the last 7 days.
