1975: Abuztuaren 5ean sortu zen Aita Mari Arraun Elkartea.
1978: Lehen aldiz atera zuen trainerua, eta harrezkero, urtero-urtero ureratu du
Telmo Deun.
1981: Lehen bandera irabazi zuen, Regata Villa de Bilbao, patroi lanetan Joseba Aristi zela.
1984: Kontxako lehen bandera irabazi zuen, patroia Klaudio Etxeberria ‘Gorria’ zela. Urte ederra izan zen, estropada denak irabazi zituztelako, bai traineruan, bai trainerilletan, bai bateletan. Denera, 30 bandera irabazi zituzten arraunlariek.
Urte horretan, balentria batzuk ere egin zituzten. Batean, 24 orduan hiru estropada eta bi bandera irabazi: Zarautzen bi egunetan gailendu ziren, eta Portugaleten ere garaipena lortu zuten. Bestean, egun berean bi bandera irabazi zituzten: eguerdian, Coruñan, Teresa Herrera irabazi zuten, eta arratsaldean, Castropolen lortu zuten garaipena, errekorra hautsiz, gainera.
1987: Bigarren Kontxako Bandera irabazi zuen, Edu Aristi patroi zela.
2001: Kontxako estropadan hirugarren sailkatu zen Getariarekin batera atera zuten traineruan. Bizpahiru bandera irabazi zituzten urte horretan, eta baita 1. Euskadiko Sprint Txapelketa.
2005: Euskal Liga irabazi eta TKEra igo zen. Denera, 10 bandera irabazi zituzten bi traineruen artean, horietako bi egun berean eta estropada berean, Pasaian.2006.- Lehen aldiz TKE Ligan aritu zen. Sailkapen nagusian 10. postua lortu zuen.
2007.- San Miguel Ligako sailkapen nagusian 8. postua lortu zuen.
2008.- Hirugarren aldiz jarraian, onenen ligan ariko da, TKE San Miguel Cajamadrid Ligan.
Bestelakoak: harrobiko arraunlariek, urteak joan eta urteak etorri, makina bat bandera irabazi dituzte, bateletan eta trainerilletan. Azken urteetan, nabarmentzekoa da emakumeak egiten ari diren lana. Garaipen asko lortu dituzte, txapelketa ugari, eta aurten, lehen aldiz, trainerilla uretaratzea lortu dute.
0 Responses to “Klubaren historia”