Hemen dauzkazue Mikel Castellano argazkilariak santelmoetako errepetizioetan osatu digun bilduma.

Gauerdian jaitsi da bandera eta dagoeneko ondo gordeta dago, datorren urtera arte. Jai giroa nahikoa izaten du parrandarako gogoa duenak, baina eskertzekoa izan da bigarren asteburuan izan dugun eguraldi zoragarria. Repetizioetan ere denetarik izan dugu: ostiralean herriko gazte bertsozale eta musikazaleak oholtza gainean ikusi genituen, Bertsotan Jai-n eta Bertsioen Gaua-n. Larunbatean olagarro zoparen usainak hartu zuen Beheko plaza, eta jendez gainezka ikusi genituen kaleak eta tabernak goizeko ordu txikiak arte. Eta azken egunean, uda giroan, zaldi lasterketak eta estropadak, bandera jaitsi aurretik. Jai giro ederra izan dugun arren, zoritxarrez, txikiziorik ez da falta izan aurten ere. Ostiral gauean su eman zioten komun publiko bati, eta gaur goizean lurrean botata agertu da Iñaki Olazabalen Elkarhizketa eskulturako pieza bat. Hurrengo urtekoak apirilaren 25ean hasiko [...]

Seigarren urtez zaldi lasterketak jokatu dira Itzurunen, santelmoetako jai egitarauaren barruan. Aurten ere jendetza bildu da hondartzan ikuskizunaz gozatzeko. Jose Manuel Martin lasartearrak irabazi du, Stai behorrarekin. Eneko Urbieta zumaiarra bigarren sailkatu da, Iron Star zaldiarekin. Guztira, hogei zaldunek hartu dute parte. Bi zaldunek erorikoa izan dute, eta zaldi batek ere tentsio uneak eragin ditu, ihes [...]

Inaxio Manterolak eta Urtzi Gabiñak jantzi dute aurten olagarro zopa lehiaketako txapela. Indamendi elkartearen izenean hartu dute parte, estreinakoz, eta haiena izan da epai-mahaiaren iritziz aurtengo zoparik onena. Txoazkina eta Taosa izan dira bigarren eta hirugarren, hurrenez hurren. Guztira, 11 taldek hartu dute parte.

Josetxo Etxeberriak, Amaia Agirrek eta Gorka Zumeagak irabazi dute Anadek antolatutako San Telmo Saria. Arrantza lehiaketa errepetizioetako larunbatean egin da, aurreko asteburuan eguraldiagatik atzeratu eta gero. Hemen dauzkazue sailkapenak:

Aurreko asteburu luzearen ondoren, arropak garbitu eta indarberritzeko denbora justuarekin hemen dira berriro santelmoak. Gaur, ostirala, herriko gazteak oholtza gainera igoko dira. Alde batetik, Bertsotan Jai herriko bertsolarien saioa izango da Torreberri Gaztetxian (20:00etan). Bideoan daukazue iazko saioaren pasarte bat.  Bestetik, Bertsioen Gauan , rockzale amorratuenek kanta ezagunen bertsioak joko dituzte txosnetako karpan (22:30ean). Musika lasaiagoa maite dutenentzat, kontzertua eskainiko dute Beheko Plaza eta Cori Indica abesbatzek Komentuan, 20:00etan. Larunbatean, olarro zopa lehiaketa, igandean [...]

Joan da santelmoetako lehen asteburu luzea. Eguraldiak zapuztutako ekitaldi bat edo beste eta jaietan tamalez ohikoak izaten diren gorabehera batzuk alde batera utzita (lapurretak larunbat gauean, txikizioak tabernaren batean…), giro ederra izan dugu. Bi danborradak oso ondo atera dira, oso onak txosnetako kontzertuak… Eta aipatzekoa astelehen arratsaldean Odietan jokatutako pilota jaialdia. Aspaldiko partez, santelmoetan pilota [...]

Aurten Felix Larrañaga Askixu arrantzale ohiari egokitu zaio kofradian bandera igotzea, danbor hotsek San Telmoren martxa jotzen duten bitartean. Jaietako une hunkigarrienetakoa izaten da. Merezi du berriro bizitzea, bideoan besterik ez bada.