laino guztien gainetik

Asteburu honetan eguraldia ez da lagun izango kanpoko ekintzak egiteko. Haizeak iparraldera egingo du, gaurtik aurrera tenperatura freskatuz, eta ezegonkortasuna ere areagotu egingo da. Horrek esan nahi du euria ere eging duela asteburu guztian zehar eta gainera batzutan zaparrada mardulak eman daitezkeela, trumoi eta guzti.

Oro har bai larunbatean eta baita ere igandean hodeiak izango dira nagusi eta euria egin dezake edozein momentutan. Gainera, esandakoa zaparrada mardulak ere eman daitezke, bereziki bihar goizaldean, gero arratsalde-gau partean, eta baita ere igande arratsaldean. Dena den oraintxe bertan zaparrada mardul horie arriskua handiagoa da larunbatean igandean baino. Bi egunetan iparra izango da nagusi eta tenperatura fresko, maximoa 15 ºC inguruan eta minimoa 10 ºC inguruan.

Hurrengo astean asteartetik aurrera egokortzera egingo du eta tenperatura berriro errekuperatzen hasiko da.

Atzoko bero egun horren ondoren, ipar haizea nagusituko da asteburuan, ipar-ekialdekoa hain zuzen eta beraz, tenperatura atzokoarekin konparatuz nabarmen jaitsiko da. Atzo hego haizea ibili zen agintari egun osoan zehar, azken ordura arte, eta maximoa 34 ºC inguruan geratu zen. Itsasoko tenperaturarekin alderatuz ederra diferentzia, 20 ºC-ko diferentzia. Horrela gaueko hamaikak edo hamabiak aldera ipar-mendebaldeko haizea sartu zen 40 km/h-ko abiadurarekin eta tenperatura 5-7 ºC jaitsi zen 20 minututan. Horrela gaur goizean freskoago esnatu gara, enbata txiki baten antzekoa izan zen.

Gaur dagoeneko ez da hego haizea nagusitu, eta gainera eguerditik aurrera ipar-mendebaldeko haizea indartu egingo da eta hodeiak ugaritu egingo dira. Horrela, gaur maximoa 20 ºC inguruan geratuko da. Gainera arratsaldean, nahiz eta aukera txikia izan, ezin da baztertu ekaitzen bat barnealdetik Zumairaino iristea.

Bihar eguna nahiko goibela izango da. Hodeiak nagusi eta tenperatura fresko antzean. Maximoa 17 ºC inguruan geratuko da. Gainera goizean euria egin dezake, arratsalderako atertuz joango delarik.

Igandean hobera egingo du eta nahiz eta goizean hodeiak izan zeruan eta zirimiri pixka bat egiteko aukera hor egon, eguerditik aurrera ostarteak ireki eta eguzkia nagusituko da. Tenperatura maximoa 18 ºC inguruan .

Beraz, atzoko bero horren ondoren tenperatura normaletara bueltatuko gara asteburuan.

Asteburu honetan ere ez gara euriaz libratuko. Momenturik okerrena larunbat arratsaldea izango da, ekaitzak espero baitira. Gainera tenperatura beherako bidean. Hemen dituzue xehetasunak:

Larunbata: Goiza lasaia izango da, hego-mendebaldeko haizearekin eta ostarteekin. Gero arratsaldean, alde batetik haizeak ipar-mendebaldera egingo du eta bestetik hegoaldetik ekaitzak iritsiko dira. Horrela arratsaldean eta gauean ekaitz zaparrada mardulak eman daitezke, txingorra ere ezin da baztertu. Tenperatura maximoa goizeko hego haizearekin epela izango da 18 ºC inguruan geratuz.

Igandean giroa lasaitu egingo da, ez da ekaitzik espero, baina goizean ipar-mendebaldeko haizearekin hodeiak izango dira nagusi eta euri pixka bat egin dezake. Euri txikia izango da eta ez da gehiegi espero. Arratsaldean hobera egingo du eta atertzeaz gain ostarteak ere irekiko dira. Tenperatura freskoagoa izango da eta maximoa 15 ºC inguruan geratuko da.

Hurrengo astean tenperatura berriro ere gorantz joango da eta uda usaiko egunak izango ditugu seguruenik.

Asteburu honetan bi egun ezberdin izango ditugu. Larunbatean egun osoan zerua estalia egongo da eta euria egingo du, indar handiegirik gabe, baino geratuko gabe. Beraz, egun euritsua izango da. Haizea ipar-ekialdetik eta tenperatura maximoa 14 ºC inguruan.

Igandean berriz, frontea urrutiratuta egongo da eta goiza polita izango da, ostarteekin, hori bai hego-mendebaldeko haizea nahiko zakar ibiliko da. Tenperatura maximoa hego haize honekin igo egingo da eta 19 ºC inguruan kokatuko da. Gero arratsaldean hodeiak ugaritu egingo dira eta zaparradak eman daitezke ekaitz ikutukoak.

Lehengo asteburuan iragarpena ederki bete zen eta giro petrala izan genuen: euria, txingorra, haizea, hotza… denetik. Litrotan 52 l/m2 jaso zen ostegunetik astelehenera (13tik 16r

Asteburu honetan ere euria egingo du, baina ez da eguraldi hain petrala izango. Alde batetik tenperatura atseginagoa izango da eta gainera ez dugu ekaitzik espero. Euria egingo du, bereziki larunbatean. Igandean eguraldiak hobera egingo du, nahiz eta oraindik ere euria egin dezakeen, bereziki goizean.

Larunbatean beraz, goizean hodeiak nagusi izango dira eta euria ere egin dezake, baina bereziki eguerditik aurrera, fronte bat iritsi eta orduan bai zaparradak emango dira. Haizea mendebal eta ipar-mendebaldetik eta tenperatura maximoa 16 ºC inguruan.

Igandean, eguraldiak hobera egingo du, baina goizean oraindik ere hodeiak izango dira nagusi eta euri pixka bat ere egin dezake. Arratsaldean atertuz joango da eta ostarteak ere irekiko dira. Tenperatura larunbatean baino zertxobait freskoagoa, maximoa 13 ºC inguruan.

Aste hau negu itxurarekin pasa zaigu, baina astebururako beste aurpegi bat erakutsiko digu eguraldiak. Antizikloia berriro ere egoeraren jaun eta jabe egingo da eta gainera Europa aldean kokatuko denez, hego haizea ekarriko digu. Horrela, tenperaturaren igoera nabarmena emango da eta giro lehorra nagusituko da, hori bai zerua garbi garbi ez dugu izango, hego hodeiak hor ibiliko baitira zerua apaintzen.

Beraz, gaurtik hasita eta hilaren 28ra arte egoera berdina izango dugu, euririk gabeko egunak eta tenperatura altuak.

Bai larunbatean eta baita ere igandean giro berdintsua. Hego haizea nagusi, nahiz eta momentu batzutan brisa antzeko bat sartu daitekeen bereziki arratsaldeko lehen orduan, baina hau ez dago batere garbi. Zeruan hego hodei batzuk agertu daitezke, baina orokorrean giro argia eta tenperatura altuak hego haizearen laguntzarekin. Maximoak 20 ºC-tik gora joango dira, 23 ºC inguruan geratuz. Brisa irtengo balitz maximo hauek beherago geratuko lirateke.

Nahiz eta asteburuan ere antizikloiaren menpe jarraitu, bi aurpegi erakutsiko dizkigu eguraldiak.

Larunbatean eguzkia nagusituko da. Beharbada hodei altu zurixka batzuk agertuko dira zeruan, baina ez diote eguzkiari trabarik egingo. Egun polita izango da. Ipar-ekialdeko haizea ibiliko da bizi-bizi eta horrek freskotasuna eragingo du, tenperatura maximoa ez da 10 ºC-tik gehiegi urrunduko.

Igandean berriz, hodei baxuak nagusituko dira eta ezin da baztertu zirimiri pixka bat egitea, bereziki egunaren hasieran eta bukaeran. Tenpertura larunbatekoaren antzekoa, ipar-ekialdeko haize biziarekin.

 Eta antizikloiak hurrengo astean ere gurekin jarraituko du, eta gainera zertxobait ekialdera mugituko denez, hego ikutuko haizea suabea ekarri dezake eta tenperatura igo, maximoa 15 ºC-tik gora joan daiteke.

Epe luzerako iragarpenak aztertuz, esan dezakegu martxoa hilabete lehorra izan daitekeela, eta hurrengo egunetarako iragarpena begiratuz horixe konfirmatzen da.

Udaberriko giroarekin bukatu da otsaila eta horrelaxe hasi dugu gaur martxoa, baina astebururako zertxobait okertuko da eta kontuan hartu hurrengo aste hasieran berriro neguko giroa bueltatuko dela, beraz ez pentsa negua bukatu denik eta ez gorde neguko erropa oraindik.

Asteburuan giroa nahastu egingo da, bihartik hasita. Goiza polita joango da, baina arratsaldean ezegonkortasuna dela eta ekaitz ikutuko zaparradaren bat botatzeko aukera hor egongo da. Dena den, bihar goizean hego haizea ibiliko denez tenperatura maximoa asko igo daiteke ia 20 ºC-ak harrapatu arte.

Larunbatean fronte ahul batek egingo digu bisita eta euri pixka bat laga dezake arratsalde partean. Tenperatura beherako bidean, baina oraindik ere atsegina 15 ºC-ren bueltan geratuz maximoa.

Igandean hodeiak eta euria egiteko aukerarekin jarraituko dugu, bereziki goizean. Hala ere, ez da espero euri gehiegi. Tenperaturak beherako bidean jarraituko du baina oraindik ere maximoa 12 ºC-ren bueltan.

Hurrengo aste hasieran okertzea nabariagoa izango da eta orduan bai negu giroa bueltatuko dela. Adibidez, asteartean tenperatura maximoa 7 ºC inguruan geratuko da.

Aspaldian hotza izan da albiste, elurra ere bai momenturen batean, baina guzti hori atzean geratuko da. Dagoeneko tenperatura igo da azken egun hauetan eta asteburuan ere tenperatura nahiko atsegina izango dugu, aurreko astearekin konparatuz.

Euriari dagokionez bihar oraindik ere zertxobait egin dezake, baina larunbatean ez da euririk espero. Gainera egun nahiko argia izango da, eguerdi aldera eguzkia nagusituz. Igandean ipar-mendebala hasiko da agintzen eta gainera arratsalderako fronte bat iritsiko zaigu, beraz, euria bueltatuko da. Goiz goizetik hodeiak nagusituko dira, eta zipriztinen bat iresi daiteke. Arratsaldean frontearekin batera euria areagotu egingo da eta zaparradak eman daitezke gau aldera.

Tenperatura maximoa bai larunbatean eta baita ere igandean antzeko, 10 ºC inguruan eta minimoa berriz 5 ºC inguruan.

Beraz, larunbat polita eguzkiarekin eta igandea kaxkarrago estalia eta euriarekin, bereziki arratsaldean. Tenperatura fresko antzean, baina aurreko egunekin konparatuz nahiko atsegina. 

.