Archive for Iraila, 2009

Egoera egonkorrarekin jarraituko dugu asteburuan ere.

Published 2009(e)ko Irailak 24 Iragarpenak Leave a Comment

Antizikloia hurbildu zaigu eta Britainia Handiko hego-mendebaldean kokatu da. Hortik gure lurralde osoa bere eraginpean geratzen da, baina aitziki txiki bat badauka. Beharbada, ipar ikutuko haizea bidaliko digu momentu batzutan eta horrek behe hodeiak ugaritzea ekarriko liguke.

Bihar gaur bezalaxe, behe-hodeiak agertu daitezke egunaren hasieran eta dexente iraun dezakete, baina eguerdi partean eguzkia irtetea espero da. Tenperatura oso atsegina izango da 21 ºC inguruan geratuz maximoa.

Larunbata ere hodeiekin hasiko da eta zirimiri pixka bat egin dezake goizaldean, baina eguerditik aurrera eguzkia nagusituko da. Tenperatura bere horretan geldituko da, giro atsegina eraginez, maximoa 20 ºC-ren bueltan geratuz.

Igandean lehen orduetako hodeiak kenduta, goiza eguzkitsua izango da. Arratsaldean baliteke Mediterraneotik hodeitza iristea, baina ez du ematen euritara joko duenik. Tenperatura larunbatekoaren ildotik.

Beraz, egoera egonkorrarekin jarraituko dugu, baina holakotan askotan gertatzen den bezala, behe-lainoa eta behe-estratuak agertzea posible da lehen eta azken orduetan. Dena den, oraindik ere nahiz eta udazkenean egon, udako giroaren antza gehiago izango du eguraldiak.

Ostiralean jasotako euri kantitatea Zumaian 60 mm izan zen.

Published 2009(e)ko Irailak 21 Albisteak Leave a Comment

Egia esan, komentatu nuen ostegunean, ostiralak uholde arriskua izateko itxura bazuela, eta halaxe gertatu zen Bizkaiko kostaldeko eta Iparraldeko zenbait tokitan. Bereziki, Bermeon 172 mm pilatu ziren, ia guztia 4 ordutan eta gainera ordubetean 51 mm. Hor arazoak izan zituzten, baita ere Baionan 200 mm baino gehiago jaso zirelarik. Zumaian euri asko egin zuen eta 60 mm jaso ziren.

Egoera hau uda lehor baten ondoren etorri denez, ondorioak ez dira izan oso larriak, zeren eta lurrak ur asko xurgatu du, erreketara joan beharrean, baina euri aldetik gutxitan gertatzen da ostiralean gertatutakoa. Oro har, 80 mm-tik gora jaso zen Kantauri isurialdean eta Araban ere 60 mm-tik gora. Euria normal egin balu ordura arte, ondorioak larriagoak izango ziren.

Euri kantitate hau egiteko egoera aproposa izan zen. Alde batetik aire hotza goi geruzetan, depresio isolatu bat (Depresión Aislada en Niveles Altos). Behe geruzetan ipar haizea eta gainera itsasoko ura oraindik altu dagoen urte sasoia, hezetasun handia sartuz Euskal Herrira. Beraz, aire masa epela eta hezea behe geruzetan eta aire hotza goi geruzetan. Honek ezegonkortasun handia eragiten du ekaitz zaparradak eraginez eta ur-jasa handiak ekarriz.

Aste honetan antizikloia hurbilduko zaigu, baina asteazkenean igerriko ditugu bere ondorioak. Asteazkenetik aurrera eguzkia eta tenperatura atseginak izango dira nagusi (20 eta 25 ºC bitartean). Gaur eta bihar ipar haizearekin eta euriarekin jarraitu beharko dugu

Eguraldi nahasia bai bihar eta baita ere asteburuan. Olarru egunean euria egiteko probabilitatea altua da.

Published 2009(e)ko Irailak 17 Albisteak , Iragarpenak Leave a Comment

Egun hauetan entzun dugu “tanta hotza” komunikabide batzutan. Zer da hori? Azken finean goi geruzetan aire masa hotzez osaturiko depresio isolatu bat da, teknikoki eta erderaz DANA deitzen dena (Depresión Aislada en Niveles Altos). Honek ezegonkortasun handia sortzen du. Egun hauetan gure inguruan ibiliko da eta bere ibilbidea zehaztea oso zaila denez, iragarpena egun hauetan oso zaila da. Bakarrik esan, horrelako egoerak oso arriskutsuak direla eta batzutan euri pila bat lagatzen dutela, uholde arriskuak handituz.

Biharko modelu matematikoen irteerak aldatzen ari dira momentuero, baina oraintxe dugun irteerarekin euri asko egin dezake. Biharko 60 mm baino gehiago pilatzeko posibilitatea dago, baina zihurgabetasuna handia da. Dena den, euria egingo du egun osoan zehar,  bereziki goizean eta zaparrada mardulak eman daitezke. Haizea ipar-mendebaldetik ibiliko da eta tenperatura maximoa 17 ºC-tan kokatuko da.

Olarru egunean egoera ezegonkorrak jarraituko du eta beraz, probabilitate altuarekin euria egingo du, baina ez aurreko egunean bezainbeste. Gainera, haizea ere zakartuko da eta mendebal eta ipar-mendebaldekoa ibiliko da bolada gogorrekin (60-70 km/h).  Arratsaldean baretuz joango da. Tenperatura zertxobait altuago 19 ºC inguruan.

Igandea oraintxe bertan ematen du lasaiagoa izango dela, baina goizean oraindik hodeiak izango dira nagusi eta zirimiri pixka bat egin dezake. Arratsaldean hobera egingo du eta tenperatura 20 ºC inguruan geratuko da. Hobekuntza hau, nabariagoa izango da datozen egunetan eta hurrengo astean 21etik 25era egoera antiziklonikoa eta beraz eguzkitsua izateko probabilitatea %70ekoa da. Gainera, berriro ere udako tenperaturak izango ditugu 20 eta 25 ºC bitartean. Beraz, ez gorde oraindik hondartzarako erropak.

 Mapa honetan ikusi daiteke goi geruzetako depresio isolatua, bere erdigunea Pirineotan kokatuta (egoera arriskutsua).

dana_18092009.gif

Asteburuan giro eguzkitsua nagusituko da.

Published 2009(e)ko Irailak 10 Iragarpenak 2 Comments

Antizikloi indartsu bat kokatu da Inglaterra inguruan eta bere menpean egongo gara hilaren 15a arte. Ondorioz, asteburu eguzkitsua izango dugu.

Ostirala, larunbata eta igandea egun berdintsuak izango dira. Alde batetik lehen orduetan hodei batzuk agertu daitezke, baina desartzeko joera izango dute. Bestalde, hodei altu batzuk ere agertu daitezke larunbat arratsaldean, baina garrantzi gutxikoak. Beraz, eguzkia ikusteko aukera izango dugu. Tenperaturari dagokionez, atsegina izango da, baina pixkanaka koska bat beherantz egingo du. Horrela, gaur eta bihar tenperatura maximoa 23 ºC-tan kokatuko bada ere, larunbat eta igandean 21 ºC-tan geratuko da. Gauak ere freskoagoak izango dira 15 ºC-ko tenperatura minimoarekin.

Beraz, oraindik ere euririk gabe jarraituko dugu, giro lehorrarekin eta eguzkia nagusituz. Tenperatura atseginak, baina pixkanaka igerriko dugu udazkena zai daukagula. Gainera, hilaren 15etik aurrera beharbada, tenperaturaren beherakada nabarmena etorri daiteke, baina hori ikusiko dugu, zeren eta oraindik gauzak aldatzeko aukerak badaude.

Asteburuan eguraldiak hobera egingo du nabarmen.

Published 2009(e)ko Irailak 4 Iragarpenak Leave a Comment

Gaur nahiko goibel daukagu eguraldia eta gainera fresko samar ere bai. Fronte bat iritsi da eta euri pixka bat lagako digu, baina oso gutxi. Egia esan, bai udaberrian eta baita ere uda oso lehorrak izan dira eta ur falta badago, baina oraingoz itxaron egin beharko dugu, zeren eta hurrengo 10 egunetan euri kontu gutxi ikusten dira.

Asteburuan frontea joana izango da eta eguraldiak hobera egingo du. Larunbatean hodeiak geratuko dira egunaren hasieran, baina pixkanaka desagertuz joango dira. Horrela, arratsalde eguzkitsua geratuko da. Brisa ibiliko da eta horrek tenperatura 21 ºC-tan lagako du eguerdi partean.

Igandean eguraldi dotorea espero dugu. Gainera, egun honetan jende asko Kontxara ere gerturatuko da eta esan primerako eguraldia izango dutela. Beharbada, sargori puntu bat ere bai. Beraz, eguzkia jaun eta jabe igandean eta tenperatura goizean fresko samarra izango bada ere, gero eguzkiaren laguntzarekin eta hego ikutuko haizearekin gora egingo du nabarmen, 30 ºC-ko mugara hurbilduz. Beraz, beroa eta eguzkia igandeko protagonistak.

Itsaso mugitua biharko

Published 2009(e)ko Irailak 2 Albisteak Leave a Comment

Bihar Kontxako kanporaketa jokatuko da Kontxako uretan eta ea Zumaiak sortea duen. Behintzat itsaso barea ez da izango eta horrekin beharbada aukera gehiago daude ustekabeak emateko.

 Arratsalderako haizea dexente baretuko da eta ipar-mendebaldekoa izango da 5 – 10 km/h-ko batazbesteko abiadura. Beraz, itsas haizea ez da izango oso garrantzitsua, baina hondoko itsasoak 2 eta 3 metro bitarteko olatuak altxatuko ditu eta honek ikuskizun polita utziko digu, zeren eta olatuak hoberen hartzen dituenak, sailkatzeko aukera handiagoak izango ditu.

Sorte on Zumaiari eta aupa Zumaia

 

2009(e)ko Iraila
A A A O O L I
« Abu   Urr »
 123456
78910111213
14151617181920
21222324252627
282930