laino guztien gainetik

Badator asteburua eta eguraldiaren aldaketa izango dugu igandean.

 Larunbatean eguraldi polita egingo du oraindik ere. Goizean ostarteak nagusi eta hego haizea. Horrela, eguerdi partean 20 ºC ingurura iritsiko gara. Arratsaldean ordea, hodeiak ugarituz joango dira eta bukaerarako ekaitz zaparradak  botatzeko arriskua egongo da. Hortik aurrera aldaketa. Igande goizaldean fronte bat ere iritsiko da eta euri dexente egin dezake. Gerora, igande osoan zehar hodeiak eta euria izango dira protagonistak. Mendebaldeko haizea nagusituko da eta tenperaturak nabarmen egingo du behera, maximoa 14 ºC inguruan geratuz.

Beraz, larunbata aprobetxatu eta gogoratu larunbata ekaitzarekin bukatu daitekeela.

Euri asko bota zuen atzo, eta gaur ere dexente botako du, nahiz eta atzokoarekin konparatuz askoz ere gutxiago izan. Baina ematen du bihartik aurrera antizikloia gureratz mugituko dela, eta eguraldi hobeagoa ekarriko digula. Dena den, ez da guztiz egonkortuko.

 Horrela, bai larunbatean eta baita ere igandean giro antzekoa espero da. Goizetan hodeiak nagusi izango dira eta litekeena da zirimiri pixka bat egitea. Gero, eguerditik aurrera ostarteak irekitzen joango dira, eta arratsaldeak oso politak geratuko dira, ostarte zabalak nagusituz. Tenperatura nahiko atsegina izango da, maximoa 14 ºC inguruan geratuz.

Beraz, giro hobeagoa orokorrean, baina kontuan izan goizetan zirimiri pixka bat egin dezakeela. Tenperatura garaikoa.

Egun hauetan eguraldi polita daukagu eta gainera tenperatura ere oso atsegina da. Datozen egunetan giroa zertxobait nahastuko da, baina oro har haizea hegoaldetik iritsiko zaigunez ez da gehiegi okertuko eta gainera tenperatura epel antzean mantenduko da.

 Larunbatean giroa nahastu egingo da eta denetik izan dezakegu. Hodeiak eta ostarteak tartekatuko dira eta euria egiteko aukera hortxe egongo da. Ematen du aukera handiagoa dagoela arratsalde edo gau aldera, baina egitekotan ere ez da gehiegi izango. Tenperatura maximoa 15 ºC inguruan geratuko da.

Igandean hodeiak eta ostarteak tartekatuko dira baita ere, eta euria egitekotan goizaldean izan liteke, baina oro har egun osoa kontuan hartuz eguraldi nahiko polita izango dugu. Hego haizea joango da nagusitzen eta tenperatura ere oso goxoa izango da, maximoa 17 ºC inguruan geratuz.

Beraz, hego haizea nagusi orokorrean, tenperatura atsegina ekarriz. Hodeiak ere ekarriko ditu, baina eguzki momentuak ere egongo dira eta euria ere bai, baina ez gehiegi (euri aukera handiean larunbat arratsalde edo gauean eta igande goizaldean).