laino guztien gainetik

Badator berriro ere asteburua eta bi egun ezberdin izango ditugu. Larunbata ederra, eguzkia nagusituz, baina iganderako fronte batek euria ekarriko digu, goizaldean eta goizean bereziki.

 Larunbatean beraz, eguzkia ikusiko dugu bereziki eguerdi partean, goizean hodei batzuk agertu daitezke, eta gero arratsalde bukaeran ere hodeiak ugarituz joango dira, frontea datorren seiñale. Gero gauerako lehen tantak erortzen hasi daitezke. Tenperatura atsegina izango da 23 ºC-ko maximoarekin. 

Igandean fronteak euri dexente laga dezake goizaldean eta goizeko lehen orduetan, gero arratsaldean zertxobait arindu daiteke, baina oraindik ere euria egiten jarraitu dezake. Ipar-mendebaldeko haizea ibiliko da, indarrez momentu batzutan eta tenperaturak nabarmen egingo du behera, maximoa 18 ºC inguruan geratuz. Beraz, igandean ez du emango udan gaudenik.

Beraz, aprobetxatzeko eguna larunbata izango da.

Asteburuan fronte bat iritsiko da eta horrek giroa nahastuko du gaur gauetik aurrera. Horrela, euri pixka bat egin dezake gaur gauetik hasita, bihar egun osoan zehar eta igande goizean. Ematen du igande arratsaldean hobera egingo lukeela.

Beraz, bihar hodeiekin esnatuko gara eta euria egin dezake goizean zehar. Gero, ostarteak irekitzeko aukera ere egongo da eguerdi partean, eta arratsaldean zaparradatxoren bat ere bota dezake. Tenperatura atsegina izango da, maximoa 24 ºC inguruan geratuz.

Igandean ere hodeiek estaliko dute zerua, eta euria ere egin dezake zirimiri modura. Gero, arratsaldean argitze aldera egingo du, ostarteak irekiz. Tenperatura atsegina, baina pixka bat beherago 22 ºC inguruan geratuz.

Laburbilduz, hodeiak nagusi izango dira asteburu osoan zehar, tarteka euriarekin, baina ordu politak ere egon daitezke. Tenperatura atsegina izango da.