Gaur brisa pixka bat sartu daiteke arratsaldean, baina orokorrean egun beroa izango da. Gero aipatu beharra dago alde batetik ekaitz arriskua, nahiz eta txikia izan, eta bestetik galerna edo enbata izateko aukera. Azken honek gertatzeko aukera handiago dauka, baina gauean izango litzateke, hamarrak edo hamaikak aldera, orduan haizeak ipar-mendebaldera egingo luke indarrez 60 km/h-ko boladekin, tenperatura jaitsiz.
Bihar goizaldean fronte baten isatsak zeharka harrapatuko gaitu, eta ez digu kalte handirik ekarriko, euri pixka bat egin dezake goizaldean eta goizeko lehen orduetan, baina hobera egingo du eguerditik aurrera, ostarteak zabalduz arratsalde partean. Tenperatura jaitsi egingo da gaurkoarekin konparatuz eta maximoa 20 ºC inguruan geratuko da.
Igandean giro lasaia izango dugu, lehen orduetan hodei baxu batzuk agertu daitezke, baina eguerdi partean ostarteak nagusituko dira hodei altu batzurekin. Tenperatura antzera, 20 ºC inguruan.
Beraz, asteburua lasaia eta nahiko txukuna. Gaur hala ere kontuz ekaitz arrisku horrekin eta bereziki enbatarekin.
0 Responses to “Asteburu nahiko txukuna.”