laino guztien gainetik

Gaur fronte bero batek hodeiak eta euri pixka bat ekarri dizkigu eta horixe izango da asteburuko panorama, hau da hodeiak eta euria. Egia esan, bihar espero da egun euritsuena izatea litrotan, baina asteburuan ere euria izango da nagusi, nahiz eta litrotan gutxi bota.

Bihar, bereziki Donostira edo Azpeitira joan nahi dutenek, kontuan hartu egun euritsua izango dela. Haizea ipar-mendebaldetik finkatuko da garbi asko eta gainera fronte hotz bat iritsiko da goizean. Horrela euri gehien goizean espero da, baina arratsaldean ere euria egiten jarraituko du. Tenperatura ez da hotza izango, gauden garairako epel samarra esango nuke nik. Maximoa 13 ºC inguruan geratuko da.

Asteburu osoan zehar ipar-mendebala nagusi izango denez, giro bustia izango da nagusi. Hori bai, litrotan ez du askorik botako, baina umel antzean pasako dugu asteburu osoa. Tenperatura aldaketa handiegirik gabe, 12-13 ºC inguruan geratuz maximoa.

Epe ertainera begira ez da ikusten hotzaldi garrantzitsurik.

Ematen zuen aldaketa etorriko zela astebururako, baina azkenengo irteerak gure lurralderako ez dute aldaketa nabarmenik ikusten. Horrela, egoera antiziklonikoarekin jarraituko dugu. Litekeena da hodei gehiago ikustea zeruan hodei altuak izango dira gehien bat, eta hauek ez dute giroa gehiegi aldatuko. Asteburu osoan zehar ez da euririk espero (seguruenik zertxobait egin dezake astelehenean baina gauza gutxi).

 Larunbatean ipar ekialdeko haizea nagusituko da eta giroa hotza izango da. Gauez tenperatura 5 ºC-tik behera joango da eta egunez nekez iritsiko da 10 ºC-ra. Zeruan hodei batzuk bai, baina eguzkiak hartu beharko luke agintea, lanbro edo behe-lainoak usten badio.

 Igandean beharbada hodei gehiago, baina berdintsu. Gainera, hego ikutuko haizeak nahiko du muturra sartu eta horrek tenperatura zertxobait epelduko du, maximoa 13 ºC inguruan geratuz. Tenperatura minimoak zertxobait gorago, 6-7 ºC inguruan.

 Hurrengo astean ere antizikloia nagusituko da seguruenik, asteartetik aurrera. Oraingoz elur kontuak eta ez dira ikusten, baina hilaren 19 tik aurrera aukera batzuk ikusten dira. Ikusiko dugu.

Gaur gauean fronte bat iritsiko da eta gainera ipar-mendebaleko haizea zakartu egingo da, baita itsasoa ere. Horrela, gauerako euritara joko du. Dena den, arratsaldean ez da euri askorik espero, egitekotan zirimiri pixka bat izango da, baina erregeen kabalgata zertxobait estropeatu dezake.

Bihar egun euritsua izango da, bereziki goizean, baina arratsaldean ere egingo du. Litro dexente pilatu daiteke. Ipar-mendebaldeko haizearekin jarraituko dugu, gainera oraindik ere goizean zehar zakar samar ibiliko da, arratsalderako baretuz. Tenperatura maximoa 13 ºC inguruan geratuko da, gauden garairako tenperatura epel samarra, nahiz eta sentsazioa hezetasunarekin batera freskoarena izan.

Asteburuan oro har hodeiak izango dira nagusi eta euria egiten jarraitu dezake baina bihar baino askoz ere gutxiago. Dena den, ez dugu hobekuntzik nabarituko. Tenperatura aldaketa handiegirik gabe 11-12 ºC inguruan maximoa.

Beraz, asteburu kaskar samarra. Gerora antizikloia gure gainera etorriko da eguraldi egonkorra ekarriz, baina hori 10etik aurrera izango da, hau da, asteartetik aurrera. Beraz, ez da epe motxean hotzik eta elur konturik ikusten. Urtarrileko bigarren hamabostaldirako aukera gehiago ikusten dira bolada hotzen bat gurera iristeko, baina ikusiko dugu.

Iritsi dira gabonak eta eguraldi lasaia izango dugula ematen du. Fronte batek euri pixka bat lagako digu 23 eta 24ko gauean, baina hortik aurrera antizikloia jaun eta jabe izango denez, giro eguzkitsua nagusituko da. Hori bai, garai honetan horrelako egoeretan gau hotzak izaten dira, baina egunez zertxobait epelduko du, bereziki 26an eta 27an, hego ikutuko haizea ibiliko baita. Gainera urtea litekeena da horrelaxe bukatzea, hau da giro egonkorrarekin, baina hori ikusiko dugu.

Beraz, 24an fronte horren hondarrekin hasiko dugu eguna, hau da hodeiekin eta euri pixkatekin, baina pixkanaka hobera egingo du. Horrela, arratsaldean ostarteak izango dira nagusi (gabon koruan kantuan ibiltzeko egokia). Tenperatura hotz antzean, maximoa 10 ºC-ren bueltan (garaiko tenperatura).

Gabon gauean zerua urdin geratzea espero da eta tenperatura beherantz joango da, gaua hotza izango delarik. Horrela eguberri eguna hotz hasiko da, minimoa 3 ºC-ren inguruan geratuz. Bestela, eguna dotore joango da, zeruak urdin jarraituko du eta haizea bare, hegoaldeko ikutuarekin arratsalde partean. Horrela maximoa epelduko da, baina hala ere ez da gehiegi igoko 10 ºC-ren bueltan geratuz.

Eta esandakoa ia urte bukaera arte eguraldi berdintsua, giro egonkor eta lehorra, garaiko tenperaturekin.

Gabon zoriontsuak pasa!! 

Orain arte azaroa nahiko bare eta epel joan da lehenengo asteburu hura kenduta (uholdeak izan ziren asteburua), baina bihar udazken itxura hartuko du eguraldiak. Fronte batek ipar-mendebaldeko haizea, euria eta tenperatura freskoak ekarriko dizkigu. Gainera, lehenengo elur geruza ikusi ahal izango dugu mendi puntetan, 1300 metrotik gora. Dena den hurrengo egunetarako ez da ikusten hotzaldirik.

Beraz, bihar eguraldi kaskarra, baina asteburuan zer?

 Asteburuan egoerak baretzera egingo du, baina mendebaldeko haizeareki hodei jarioa hor izango da. Horrela, asteburu osoan zehar hodeiak izango dira nagusi. Horrek ez du esan nahi asteburu osoa eguzkirik gabe pasako dugunik, zeren eta noizbehinka eguzki izpiak ikusteko aukera izango da, baina esandakoa orokorrean hodeiak. Euria ere egin dezake asteburu osoan zehar, baina ez askorik. Tenperatura fresko antzean, baino hotzik gabe.

Hurrengo astean ere giroak ildo beretik jarraituko du. Gainera, astelehenean fronte batek euri gehiago lagako digu, eta asteartean eta asteazkenean euri egiten jarrituko dezake, baina ez gehiegi. Gero, beharbada giroak egonkortu egingo da, baina hori urruti dago.

Azaroa bukaeran bagabiltza ere, eguraldia ez da oraingoz garai honetan tokatzen dena. Tenperatura nahiko epelekin jarraitzen dugu eta oraingoz ez da aldaketa handiegirik nabaritzen. Beharbada, azaroaren 30etik aurrera beste kontu batzuk izango ditugu, baina urruti dago eta gauzak aldatu daitezke.

 Asteburu honetara begiratzen jartzen bagara, eguraldi polita izango dugula  esan dezakegu.

Dena den larunbatean hodeiekin esnatuko gara eta baliteke zirimiri pixka bat ere egitea, baina eguerditik aurrera ostarteak irekitzen joango dira, arratsalde polita geratuz. Gainera, tenperatura atsegina izango da, maximoa 15 ºC-ren bueltan geratuko da.

 Igandean egunsenti polita ikusiko da, zerua ia garbi, tenperatura fresko samarra hasieran, baina epelduz laister joango da eguzkiaren laguntzarekin. Hodei altu fin batzuk agertu daitezke egunean zehar zeruan, baina ez dute eguzkia estaliko. Beraz, egun dotorea. Tenperatura ere oso atsegina, berriro ere 15 ºC-ren bueltan geratuz maximoa.

Hurrengo asteko hasieran ere giro antiziklonikoarekin jarraituko dugu.

Gaur bero egingo du, hego haizea nagusituko baita, baina asteburuan aurpegi ezberdina erakutsiko digu eguraldiak.

Bai larunbatean eta baita igandean ere, zerua nahiko estalia egongo da eta euria egin dezake edozein momentutan. Ipar haizea nagusituko da, ipar-mendebala zehazki. Gainera fronte ahul batzun bisita ere izango dugu. Tenperatura nabarmen jaitsiko da, larunbatean 20ºC-ko maximoarekin eta igandean oraindik beherago, 18 ºC-ko maximoarekin.

Gero astelehenetik aurrera, berriro ere udako giroa bueltatuko da seguruenik.

Irailan gaude, baina bihar hego haizea dela eta tenperatura asko igoko da. Gainera, indar dexente izango duenez, ez du ematen brisa sartuko denik. Horrela, biharko tenperatura maximoa 35 ºC-ra iritsi daiteke. Eguzkia izango da biharkoan nagusi, hodei altu batzuk kenduta.

Larunbatean hego haize zakarrarekin esnatuko gara eta zeruan hodei gehiago ikusiko ditugu. Tenperatura oraindik altua izango da, maximoa 33 ºC-ra iritsiz, baina arratsaldean haizeak ipar-mendebaldera egingo du eta freskatu egingo du dexente, hodeiak ere ugarituz. Dena den euririk ez da espero.

Igandean goizean zehar hodeiak izango dira nagusi, baina euri konturik ez da espero. Beharbada, momenturen batean zipriztinen bat, goizaldean bereziki. Arratsalderako ostarteak irekiko dira. Tenperatura beherantz, maximoa 23 ºC-tan geratuz.

Kontxara joateko egun polita izango da, nahiz eta nahiko estalia egon, ateri eta haize indartsurik gabe. Aurreko igandearekin konparatuz askoz ere hobeto.