Datorren larunbatean, hilak 13, Kontzertu Didaktikoa emango du Zumaiako Udal Musika Bandak (ZUMBek), Maria eta Jose Ikastetxeko aretoan, arratsaldeko 19:30etan. Aurretik, Musika Eskolako ikasleekin batera, kalejira berezia.
Duela lau urte hasi ginen ZUMBen "Kontzertu Didaktikoa" egiten.
Kontzertu mota honekin Musika Banda osatzen duten instrumentuak ezagutu
ditugu, hauek osatzen dituzten familia instrumentalak, hauen bidez
egiten den musika mota, zer egiteko gai diren,eta abar. Garai hauetan
ikasi dugun guztia nolabait ospatzeko, aurtengo Kontzertu Didaktikoa
grabatu egingo dugu zuzenean, eta ondoren CDa plazaratuko dugu: "ZUMBen
aro berriak lagun artean".
Aurtengo Kontzertu Didaktikoaren haria
instrumentuak beraiek dira: orain dela lau urte aurkeztu genituen
bandako partaide bezala, eta gaur egun bakarlari gisa jarduteko gai
dira.Kontzertu Didaktiko hau ZUMBekin era batera edo bestera lotura
duten lagunekin egin dugu: antolatzen diren ekintzetan laguntzen
dutenak (Carlos Casadó eta Klarinete Maratoia), kontzertuetan parte
hartzen dutenak (Xabi Azkarate perkusioa astinduz), eta nola ez, garai
onenetan eta ez hain onetan ZUMBeko partaide izaten jarraitzen dutenak
(bakarlari arituko dira: Nagore, Iñaki, Jose Ramon eta Jon ).
ZUMB aurrera ateratzeko lan egin duzuen guztioi eskainia:
-XIAN__________________________________Henk Hogestein
-SPOTLIGHTS ON THE BASSCLARINET__Jan Hadermann
Bakarlaria: Carlos Casadó (Bass Clar.)
-CZARDAS_______________________________Vittorio Monti
Bakarlaria: Xabier Azkarate (Marimba)
-TRIBUTE TO DIXIE______________________Gilbert Tinner
Bakarlariak: Nagore Aizpurua (Tromb.), Iñaki Arrizabalaga (Sax.), Jose Ramon Sesma(Trompta.) & Jon Zubimendi(Klar.)
-TO A NEW DAWN________________________Philip Sparke
Zuzendaria: MARIXI SESMA
Aurkezlea eta Aktorea: ESTI CURIEL
Gidoia: OLATZ IRURETAGOIENA
