Zibergela

Sony etxeak merkaturatu dituen azken argazki-kamerek argazki irribarretsuak baino ez dituzte ateratzen. Funtzio berri bat dute kamera horiek,

Gero eta ohikoagoa da telefono mugikorra edo argazki-kamera erabiliz bideo laburrak grabatzea. Bideo horiek ez dira kalitate handikoak izaten, baina Interneteko helbide honetan bideoaren kalitatea hobetu daiteke: http://fixmymovie.com
Bideoak txukuntzeko, nahikoa da bideoaren fitxategia web gune horretara igotzea. Zerbitzariak eredu bat aurkezten dio erabiltzaileari, hobetutako irudi batzuk erakusten dizkio; eta minutu gutxian posta elektroniko bat jasoko du bideoaren lehen hamar segundoak txukunduta ikus ditzakeela adieraziko dio. Lehen hobekuntza horiek erabiltzailearen gustukoak badira, bideo guztia txukuntzeko eska dezake. Azkenik, bideoaren bertsio hobetuak, Quicktime, Windows Media eta Flash formatutan jaitsi ahal izango ditu.
Berri osoa irakurri »

Nahiz eta udara joan den, inoiz ez da
garai txarra bidaia bat egiteko hara edo hona; arropak aukeratu, autoa
ere bai eta bidaia hasteko prest. Autoan sartu orduko, ordea, lehenengo
zalantza: orain dela urte batzuk bazen errepide bat ibilbidea asko laburtzen
zuena, nola egongo ote da? Eta saihesbideren bat egin badute hiri korapilatsu
hura saihesteko asmoz?

Ibilbidea prestatzea ezinbestekoa da
bidaia bat egin aurretik. Nork ez ditu ezagutzen uztai-koaderno formatuko
errepide mapak? Nor ez da ibili mapa horietako bat eskuetan hartu eta
bide egokiena aukeratu ezinean? Nahiz eta gaur egun ere errepide mapa
horiek maiz erabiltzen diren, sarean ibilbidea prestatzeko dauden guneek
elkarrekintza handiagoa eskaintzen dute bidaiariaren eta errepide maparen
artean.

Berri osoa irakurri »

Munduko on-line dendarik handienak azkenean
ireki du hainbeste zurrumurru sortu duen musika zerbitzua. Haren helburu
nagusia Appleren iTunes zerbitzuari aurre egitea da. DRM kopiak galarazteko
sistemarik ez dute izango abestiek, eta prezio aldetik ere merkeagoa
izango da. Amazonen 6 eta 10 dolar artean erosi ahal izango dira diskoak.
Abestiak banaka ere salduko dira. Abantaila batzuk baditu, baina desabantaila
nagusi bat ere badu: abestia behin bakarrik jaitsi ahal izango da. Beraz,
ezinbestekoa izango da toki seguru batean gordetzea; izan ere, galduz
gero berriro ordaindu beharko da jaitsi nahi bada. Abestien kopuruari
dagokionez, milioi baten bueltan ibiliko da hasierako eskaintza, diskoetxe
garrantzitsu guztiekin ez baitu akordioa lortzerik izan. Hala ere, Amazonek
Interneten saltzen duen esperientzia kontuan hartuta, Applek ezingo
du gutxietsi atera zaion azken aurkaria.

Berri osoa irakurri »

Haririk gabeko konexio azkarra duten
lehen ordenagailuak, alegia WiMax duten lehenak, urte amaiera aldera
jarriko dituzte salgai. Konexio azkar hori izaten lehenengoak ordenagailu
eramangarriak izango dira, haiek baitute edonon konektatzeko beharrik
handiena.

WiMax teknologia orain arteko Wi-Fi baino
askoz azkarragoa izango da, gaur egunean ADSL batekin hartzen den konexio
abiadura hartu ahal izango baita. Horrez gain WiMax sarbide-puntu indartsu
batek 50 kilometroko radioa estal dezake eta milaka erabiltzaile konektatu
daitezke horrelako puntu batera. Teknologia hori kable bidezko banda
zabala iristeko zailtasunak dituzten inguruetarako (baserri inguruak,
esaterako) oso egokia da.

Berri osoa irakurri »