Arraunari buruzko Zumaiako bloga
Zumaiako arraunlariek bi domina ekarri zituzten Gipuzkoako Trainerilla Txapelketatik: zilarrezkoa emakumezko seniorrek, eta brontzezkoa jubenil gizonezkoek.
Senior gizonezkoek bigarren egin zuten Federazio Sarian. Mutrikun jokatu zen estropada igandean.
Gipuzkoako Trainerilla Ligan bi estropada jokatu dituzte asteburuan, eta zumaiarren emaitzak onak izan dira: garaipen bat (emakumezko seniorrak), bigarren postu bat (jubenil gizonezkoak) eta laugarren postuak (3; emakumezko seniorrak, jubenil gizonezkoak eta senior gizonezkoak) eskuratu dituzte.
Gipuzkoako Trainerilla Ligako seigarren estropada jokatu dute gaur goizean Getarian, eta Zumaiako emakumezko seniorrek irabazi egin dute.
Jubenil gizonezkoak hirugarren izan dira.
Datorren asteburuan, beste bi estropada izango dira Ligakoak: larunbatean Orion, eta igandean Getarian.
Pasai Donibanen jokatu dute Gipuzkoako Trainerilla Ligako bosgarren jardunaldia, eta emaitzak hemen aurki daitezke:
http://www.fgremo.com/data/docs/resultados/130504_pasai_donibane_2.pdf
Euskadiko Batel Txapelketan, Legution, Zumaiak brontzezko domina bat lortu du. Emakumezkoen senior ontzia izan zen hirugarren, San Juanen eta Getxoren atzetik.
Beste bi ontzi ere aritu ziren finaletan, Federazio Sarian biak (larunbateko sailkatze estropadan, bosgarren eta zortzigarren postuen artean geratu ziren ontzien jokatzen dute): emakumezkoetan, infantilak bigarren izan ziren, eta gizonezkoak hirugarren.
Gipuzkoako Trainerilla Liga asteburuan hasi da, bi estropadarekin, eta zumaiarrak atzokoan izan ziren, Zarautzen. Bi ontzi ariko dira senior gizonezkoetan, eta biak aritu ziren.
Zumaia B Federazio Sarian ariko da, Ligatik kanpoko lehiaketan, eta bosgarren egin zuen.
Zumaia A Ligan ariko da, eta bosgarren izan zen hau ere.
Estropada giro ederra izan da gaur arratsaldean Zumaian. San Telmoetako Trainerilla Saria jokatu dute, eta emakumezkoetan, Zumaiak erraz irabazi dio San Juani. Lehen aldiz izan da emakumezkoen txanda estropada horretan.
Gizonezkoetan, Oriok irabazi du, eta Zumaiako bi ontziak bosgarren eta zazpigarren izan dira.
Hauek denbora guztiak:
EMAKUMEZKOAK
1. ZUMAIA 12.08,54
2. San Juan 12,81 segundora
GIZONEZKOAK
1. Orio 10.18,84
2. Hondarribia 62 ehunekora
3. San Pedro 10,15 segundora
4. San Juan 12,35 segundora
5. ZUMAIA B 17,63 segundora
6. Getaria 19,61 segundora
7. ZUMAIA A 24,44 segundora
8. Zarautz 54,94 segundora
Gipuzkoako Batel Txapelketako finalak izan dira gaur eguerdian Pasaian,eta Zumaiak zilarrezko domina bat irabazi du. Emakumezkoetan izan da, seniorretan.
Federazio Sarian, infantil gizonezkoetan, irabazi egin dute zumaiarrek. Atzo finaletik kanpo geratu ziren lau ontziek jokatu dute Saria hori.
Emaitza guztiak, hemen.
30. edizioa izango du igandekoa San Telmo Trainerilla Sariak, eta berrikuntza handi batekin dator aurten: emakumezkoen estropada ere izango da aurrenekoz. Hain zuzen, Zumaia eta San Juan lehiatuko dira Sariari hasiera emango dion lehian, 18.00etatik aurrera.
Generoen berdintasunaren bidean, beste urrats bat eman nahi izan du horrela Zumaiako Arraun Elkartearen zuzendaritza berriak.
Emakumezkoen probaren ondoren, gizonezkoen txandak jokatuko dira. Hauek dira lau txandak:
Gipuzkoako Batel Txapelketa bihar eta etzi jokatuko da Pasaian. Zumaiak bost ontzi eramango ditu: infantiletan emakumezkoena eta gizonezkoena; kadeteetan eta jubeniletan gizonezkoena; eta azkenik, seniorretan emakumezkoena.
Biharko sailkatze estropada izango da, eta maila bakoitzean lau denbora onena egiten dutenek jokatuko dute txapelketa igandean. Bi egunetan 12:00etan hasiko dira estropadak.
Iruzkin berriak