Zumaiako Arraun Elkartea

II. Ambilamp Bandera jokatu da gaur eguerdian Zumaian, KAE1 ligako bigarrena, eta Santurtzi izan da onena. Bigarren Camargok egin du, hirugarren Pasai Donibanek eta laugarren Astillerok. Bosgarren Orio B izan da, Oier Aizpurua zumaiarra tostetan duela.
Hemen sailkapenak, gaurkoa eta ligakoa: http://www.liga-arc.com/index.php/resultados

Gaur eguerdian, Ambilamp Bandera jokatu dute emakumeek Zumaian bertan, eta zumaiarrak hirugarren gelditu dira. Getaria-Tolosak irabazi du Bizkaiko selekzioaren aurretik. Laugarren Astillerok bukatu du.

Zumaiarren gaurko argazki batzuk:
p1011651.JPG , p1011652.JPG, p1011653.JPG, p1011654.JPG, p1011655.JPG, p1011656.JPG

Irati Manzisidorrek honela bizi izan du estropada traineru barrutik: “Atzo baino askoz ere hobeto egin dugu arraunean. Baina igarri egin da bi egunetan ez dugula batere aldaketarik egin. Getaria-Tolosak aldaketak egiteko aukera dauka, eta bentaja handia da bi egunetan bi estropada jokatzeko. Bizkaiko selekzioaren maila onak harritu egin nau, ez nuen uste hain ondo ibiliko zirenik. Baina atzo jai izan zutenez, gaur gu baino freskoago egon dira”.

KAE 2 ligako hirugarren estropada jokatu da gaur eguerdian Donostian, eta Zumaia B seigarren izan da. Orain arteko emaitza onena lortu du honenbestez, aurreko bietan zazpigarren izan baitzen. Zumaiarrak bigarren txandan aritu dira, eta bigarren egin dute Santanderren atzetik, eta Getxo nahiz Santoñaren aurretik. Estropada Trintxerpek irabazi du; bigarren garaipena du ligan. 

Hemen daude sailkapenak: http://www.liga-arc.com/index.php/regata/19/bandera-donostiarra-kaiarriba

Ligako sailkapenean bi postu egin dute gorantz zumaiarrek; seigarren dira orain: http://www.liga-arc.com/index.php/resultados

Jokin Urkidik azterketa hau egin du gaurkoaz: “Oso gustura gaude denok. Oso estropada konpletoa egin dugu. Hasieran Santanderrek egin dugu alde, baina askorik ez, eta Santoñari eta Getxori ondo eutsi diegu. Azkenean, bien aurretik bukatu dugu. Aurrekoan, Santanderrek 30 segundo atera zizkigun, eta gaur 10 bakarrik. Pena izan da haizeak lagatzea azkeneko txandan, bestela aurreraxeago sailkatuko ginelako. Baina pozik gaude. Arraunean egiteko garaian ere beste postura batzuk ikusi dizkiegu gaur mutilei; gero eta hobeto ari gara”.

Gaur jokatu dute emakumeek denboraldiko lehen estropada, Donostian, eta Zumaia bigarren izan da. Getaria-Tolosak irabazi du, eta hirugarren Astillero sailkatu da. Ez da beste ontzirik aritu. Bi ziabogetara jokatu dute, eta estropada erdian getariarrek 17 segundo kentzen zizkieten zumaiarrei, eta 33 espainiarrei. Bigarren luzean ez da aldaketarik izan.

Gaurko estropada ez da EuskoTren ligakoa, horiek San Miguel ligarekin batera jokatuko direlako. Beraz, ez du punturik banatu.

Sailkapena:  1. Getaria-Tolosa    11’35”

2. Zumaia                12’03”

3. Astillero              12’50”

Honela aztertu da gaurko estropada Irati Manzisidor arraunlariak: “Espero dut gaur baino gehiago egingo dugula arraunean. Presaka bezala aritu gara, baina normala ere bada, lehenengo estropada izan delako. Aurkariei dagokienez, getariarrak oso indartsu ikusi ditut, eta Astillero uste baino ahulago”.

Bihar egun berezia izango da Zumaiako estropaden historian. Aurrenekoz emakumeen traineruak lehian ikusteko aukera egongo delako. 11:30ean izango da, KAE 1eko estropadaren aurretik, eta ETB 1ek zuzenean emango du. Bertan izango dira herriko arraunlariak ere. Lau traineru lehiatuko dira: Getaria-Tolosa, Bizkaiko selekzioa, Astillero eta Zumaia. Bi luzek eta ziaboga bakarrak osatuko dute estropada eremua.

Zumaiarrak ilusio handiarekin daude biharkora begira. Horixe esan du Irati Manzisidor arraunlariak “Gogo handia daukagu, eta ni, behintzat, ez naiz urduriago jartzen herrian delako”. Zaleen laguntza ere eskatu du: “Gaur Donostian inor ez zegoen, eta bihar espero dut jende gehiago dela izango dela. Gustura hartuko ditugu zaleen txaloak eta oihuak”.

Bihar estropada izango da Zumaian, KAE 1 ligako bigarrena, hain zuzen. II. BANDERA AMBILAMP-RECICLANDO LA LUZ jarri diote izena estropadari, eta ETB1ek zuzenean emango du 12:00etatik aurrera.

Hauek izango dira  txandak (gaur Donostian jokatu den ligako lehen estropadak utzitako sailkapen nagusiaren arabera):

1.  Ondarroa, Portugalete, Busturialdea eta Portugalete

2. Zierbena, Donostiarra, Camargo eta Orio B

3. Santurtzi, Astillero, Isuntza eta Pasai Donibane

KAE 2 ligak hirugarren estropada izango du bihar, Donostian, 12:00etatik aurrera. Hantxe izango da Zumaia B, beste hamabi trainerurekin batera. Sailkapen nagusian, zazpigarren dira Jokin Urkidiren arraunlariak.

Hauek dira biharko txandak:

1: Hibaika eta Raspas

2. Donostiarra, Luanco eta Lutxana

3. Santander, Santoña, Getxo eta Zumaia

4. Trintxerpe, Colindres, Deustua eta Mundaka

Gaurko BERRIAn, Zumaiaren berri ematen dute, San Miguel ligako traineruen aurkezpen sortaren baitan. Arraunlarien zerrendaz eta klubeko datu batzuez gain, Luxiari egindako elkarrizketa ageri da. Hemen klikatu dena ikusteko: http://paperekoa.berria.info/kirola/2009-06-25/025/008/Orekaren_olatuan.htm