Archive for Uztaila 10th, 2011

Zumaia Kiroljokoa, bigarren eta banderatik oso gertu

Published 2011(e)ko Uztailak 10 Albisteak Leave a Comment

Estropada polita egin du Zumaia Kiroljokoak herrian, Gipuzkoako ligako bigarren estropadan. Oso gertu izan du bandera, baina Getaria-Tolosa bi segundo pasa azkarragoa izan da. Hirugarren San Juan sailkatu da hiru segundo eta erdira.

p1010310.JPG

Erlojuaren aurka jardun dute sei ontziek, eta hiru horien artean egon da bandera. Ziaboga bakarrera heltzerako, Orio, Bizkaia eta Hondarribia (ziaboga estriborretik eman du) lehiatik kanpo geratu dira. Lehen luzean, hiru indartsuen arteko onena Getaria-Tolosa izan da (5.18), bigarren Zumaia Kiroljokoa (5.21) eta hirugarren San Juan (5.25). Bigarren eta azken luzean, asko estutu dira gauzak, eta egundoko lehia izan dute hirurek. Azkenean, Getaria-Tolosak irabazi du.

Horrenbestez, ligako lehen estropadan bezala, irabazle izan da, eta sailkapen nagusian sendotu egin du aurreneko postua. Zumaia bigarren da, San Juanekin berdinduta, eta liderra hiru puntura dute.

p1010311.JPG

Ligako hurrengo estropada Pasai San Pedron izango da, uztailaren 23an.

Gaurko sailkapena
1. Getaria-Tolosa 10.39,13
2. Zumaia Kiroljokoa 10.41,90
3. San Juan 10.42,68
4. Orio 11.04,98
5. Bizkaia 11.13,19
6. Hondarribia 12.39,74

Gipuzkoako liga
1. Getaria-Tolosa 12 puntu
2. Zumaia Kiroljokoa 9 puntu
3. San Juan 9 puntu
4. Orio 5 puntu
5. Bizkaia 5 puntu
6. Hondarribia 1 puntu

Gaur azkenaurreko, baina Galiziako balorazioa, ona

Published 2011(e)ko Uztailak 10 Albisteak Leave a Comment

Aurtengo San Miguel ligan egin duen posturik txarrena egin du Zumaiak: azkenaurreko izan da, 11. Galiziako bigarren estropada ez da ona izan emaitzari begiratzen bazaio. Atzoko leku berean egin dute arraun, Moañan, eta haizeak eta marea aldaketak goitik behera baldintzatu dute kirolarien lana; batzuei mesede egin die, besteei kalte. Zumaia egon da kaltetuen artean.

Bigarren txandan lehiatu da Telmo Deun, San Juan, Tiran eta San Pedrorekin batera. Lehen luzearen erdialdetik geratu da atzean Zumaia, eta hortxe bukatu du. Hori txarra izan, eta askoz txarragoa izan da lehen txandakoen denborak hobeak izan direla jakitea; denek hobetu dituzte zumaiarren denborak, baita Oriok eta Camargok ere, ligako azken bi sailkatuek.

Azkeneko txanda gelditzen zen, eta Castrok egin du zumaiarrena baino denbora txarragoa. Bandera Hondarribiak irabazi du, lehen txandan arraun eginez.

Ligako sailkapenean, Zumaia zortzigarren da. Sei puntura dauka azkenaurrekoa, Orio, eta 11ra azkena, Camargo. Lider berria Astillero da, gaur bigarren egin eta gero. Datorren asteburuan Espainia aldean izango dira bi estropadak: larunbatean, Pedreñan, eta igandean Santanderren”.

“Aldea handitu diegu atzekoei”

Xanti Zabaletak onartu egin du gaurko emaitza, “Galizian horrelakoak gertatzen” direla esanez: “Badakigu eremu hauek zer diren. Haizeak eta marea aldaketak kalterik handiena gure txandan egin du. Ez dut uste estropada txarra egin dugunik. San Pedrorekin ibili beharko genuela? Estropada handia egin dute, eta kalea ere gurea baino hobea zutela iruditzen zait. Bestelakoan, asteburuko balorazioa ona da, handitu egin dugulako bi azkenei ateratzen genien aldea. Hemendik bizirik ateratzea firmatzen nuen etorri aurretik, eta 8 puntu bilduta goaz; ez dago gaizki”.

Gaurko sailkapena eta alineazioak: http://www.ligasanmiguel.com/resultados/ver.php?id=eu&r=1301304524Ligako sailkapena: http://www.ligasanmiguel.com/resultados/index.php?id=eu

Babesleak




Laguntzaileak

Iruzkin berriak

 

2011(e)ko Uztaila
A A A O O L I
« Eka   Abu »
 123
45678910
11121314151617
18192021222324
25262728293031