Osasun zentro berria dela eta kiroldegi inguruan egin diren hirigintza lanen ondorioz leku estuegia gelditu da 600dik gora korrikalari hartzeko, eta irteera zein helmuga Gernika parkera eramatea erabaki dute antolatzaileek. Iaz igande goizetik larunbat arratsaldera pasa zen lasterketa, eta, arrakasta ikusirik, aurten ere larunbat arratsaldean korrituko da (17:00), otsailaren 27an, hain zuzen ere. Astelehenetik aurrera eman daiteke proban parte hartzeko izena.
Egilea Baleike, Noiz: 2010-02-09 09:41 Atala : Hirigintza
Eta baratzeak edo tailerrak Santiagoko paduran? Eta trenbidea Txomin Agirre kaian barrena? Eta 1 Formulako zirkuitu bat Gorostiagako poligonoan? Eta zentral nuklear bat Mendatan? Noizbait norbaitek proposatutako proiektuak dira guztiak. Planoetan gelditu ziren proiektu batzuk bildu ditugu otsaileko Baleike aldizkarian argitaratutako erreportajean. Kioskoetan aurkituko duzue jadanik: Itsaski, Ogi Berri (Amaiako Plaza), FotoGar, Arkupe, Errota, Otaño liburudenda, Aizpurua, Braky's eta Otezuri kafetegia.
Egilea Baleike, Noiz: 2010-02-09 09:37 Atala : Gizartea
Internet bidezko sare sozialak komunikatzeko eta harremanak egiteko ezinbesteko bihurtu diren garaia hauetan geuk ere urrats hori egitea erabaki dugu. Gaurtik aurrera Facebook-en ere aurkituko gaituzue.
Egilea Baleike, Noiz: 2010-02-09 09:14 Atala : Kirola
Joan den aste buruan Txintxerpen jokatu ziren batel estropadek argazki erreportaje zabala egin du Klaudia Egiraok. Hemen ikus ditzakezue bere argazkiak.
Egilea epetxepe, Noiz: 2010-02-08 10:34 Atala : Ingurumena
Usurbilen duen martxa ona jarraitzen izan dira, Gasteizko legebiltzarreko parlamentari Jesus Mari Larrazabal (EA) eta Iñaki Agirrezabalaga Zumaiako alkatea –albistea Noauan–. Zumaian ba al da mota honetako proposamenen eztabaidarik?
